வீண் பேச்சு

மீண்டு(ம்) வரும் ரஜினி.....

2011-07-12T22:00:00.005+01:00

தலைவரின் படங்கள் பெரும்பாலுமே zero to hero conceptல் இருப்பவைதான்.

அதிலும் அவர் கதாபாத்திரம் செய்யும் அந்த மேஜிக்கைப் பார்ப்பவர்கள் இதெல்லாம் (ரஜினி)சினிமாவில் மட்டுமே சாத்தியம் என்று கிண்டலடிப்பார்கள்.

ஆனால் தலைவர் ரசிகர்களுக்கு மட்டுமே புரிந்த, ரசிக்கும்படியான ஒரு விஷயம் அது!

கண்டக்டர் to சூப்பர்ஸ்டார்..... இதுவும் சினிமாவில் மட்டுமே சாத்தியம் (!)

ராமச்சந்திராவில் இருந்து சிங்கப்பூர் சென்ற போதே மனதில் இது தோன்றியது..... சரி தலைவர் திரும்பி வரட்டும் அப்பொழுது இதனைப் பதிவு செய்தால் இன்னும் ரகளையாக இருக்கும் என்று காத்திருந்தேன்!

ந்தோ..... வந்துட்டாருல்ல...... வந்துட்டாருல்ல......

சிங்கப்பூர் சென்ற அந்த இரவு , அந்த சோர்ந்த குரல்..... யப்பா..... இப்போதும் நடுக்கத்தை ஏற்ப்படுத்துகிறது. செல்ஃபோனில் டவுன்லோட் செய்து கேட்ட பின் காரில் உட்கார்ந்து விக்கி விக்கி அழுதது, ஆறுதல் சொல்வதா இல்லை இப்படி ஒரு "கே"யிடம் மாட்டிக் கொண்டோமோ என திகைத்துப் போய் மனைவி பார்த்தது, மனதைத் தேற்றியபடி ஒரு வழியாக வீடு வந்த பிறகு youtubeல் தலைவரின் வீடியோக்களைத் தேடி தேடிப் பார்த்து மீண்டும் அந்த "சீக்ரம் வந்துடறேன் ராஜாக்களா" என்ற குரலை தலைவனின் வாக்காக எடுத்துக் கொண்டு காத்திருந்தேன்(தோம்)

சிவாஜியில் மரணத்தை தொட்டுவிட்டு "new boss"ஆக அவதரித்து வந்ததைப் போலவே உள்ளது !! அது ரீலில் பார்த்தது

ரியலில் : அனைத்து வதந்திகளையும் மறக்கடிக்கச் செய்துவிட்டு மீண்டும் வந்துள்ளார்!
இது கிண்டலுக்காக சொல்லப்பட்டது.... ஆனால் உண்மையும் இதுதான் There is nothing like "Rajini-can't"
ஆண்டவன் சொன்னதை "அருணாச்சலம்" கேட்ட காலம் போய்... இப்போது
ரசிகர்கள் வேண்டுதல்களை "அந்த அருணாச்சலம்" நிறைவேற்றும் காலம் !

ரஜினி்..........

2011-05-27T15:43:00.003+01:00

பெற்றோருக்குப் பிறகு அறிமுமாகிய மற்ற உறவுகளான மாமா, சித்தப்பா, சித்தி, அத்தை வரிசையில் ரஜினியும் ஒருவர். (4/ 5 வயது இருக்கலாம்)

கிட்டத்தட்ட 30 ஆண்டுகளாக என்னுள் ஒருவனாய் (பாரதியை, கண்ணனை ஒருமையில் விளிப்பது போன்றுதான் இதுவும்!!), என்னை மகிழ்வித்து, ஊக்கப்படுத்தி, திரையில் ஆவேசப்படும் போது எனது நரம்பினை முறுக்கேற்றி, சிரிக்கும் பொழுது என்னையும் சிரிக்க வைத்து.... 8-10 வயதிலேயே "ரஜினி பைத்தியம்" என்ற பட்டத்தை எனக்கு கிடைக்கச் செய்த போக்கிரி ராஜா.

April 29ல் இருந்து மனதில் அமைதியில்லை...... அப்பா/ அம்மாவிற்கு உடல் நலம் குன்றினால் ஒரு விதமான ஆத்திரமும், இயலாமையும், பயமும் ரவுண்டு கட்டி அடிக்கும். அதே உணர்வுதான் இந்த நாட்களில்.

என்னதான் வெளியே நார்மலாகத் தெரிந்தாலும்....உள்ளுக்குள் ஒரு படபடப்பு, சொல்ல முடியாத ஒரு நடுக்கம், இதனால் வரும் எரிச்சல்; இந்தக் கலவைகளின் வடிவத்தைக் காண வேண்டும் அல்லது உணர வேண்டுமானால் தற்போது ரஜினி ரசிகர்களைப் பார்த்தால் போதும்.

தலைவர் உடல் நலம் பற்றி ஒவ்வொரு நாளும் சிந்திக்கும் ரசிகர்களைப் பார்த்து அனுதாபப்படும் அறிவுஜீவிகளைப் பார்த்தால் பொறாமையாகத்தான் இருக்கிறது.

எதற்காக இவ்வாறு இருக்கிறார்கள்? தமிழனின் தலைவிதியா இது? ரஜினி அப்படி என்ன செய்து விட்டார்? இன்னமும் வக்கனையான கேள்விகள்.

தமிழ்நாட்டு மக்களின் பணத்தை சுரண்டி ஏமாற்றியவராம் ( என்ன..... இதுவரை ஒரு ஒரு லட்சத்தி எழுபத்தி ஆறாயிரம் கோடி சம்பாதித்திருப்பாரா!!??)

1) இதுவரையில் தனக்கிருக்கும் ரசிகர்களை தனது சுயலாபத்திற்காக உபயோகப்படுத்தியதில்லை. பாபா பட ரிலீஸான சமயம் நடந்த சம்பவங்கள் ஒன்றே போதும். இன்றைய தேதிக்கு வீட்டின் முன் வண்டி நிறுத்தியிருந்தாலே .....அறிக்கை விட்டு அரசியலுக்கு வந்து அலப்பறை செய்து, கூட்டத்தைப் பார்த்து மகிழ்கிறார்கள். தேடி வந்த பதவியைத் துச்சமாக தள்ளிவிட்டவர்.

1996ல் ஜெ ஆட்சியில் நடத்தப்பட்ட தனி மனித தாக்குதலாகட்டும், காவிரி நீர் விவகாரமாகட்டும், ஓகனேக்கல்/ குசேலன் பிரச்சினையாகட்டும்.... ரசிகர்களைத் தூண்டிவிடாமல் இருந்தாரே....

2) 30 வருடங்களாக நான் கொடுத்த காசிற்கு(அதற்கும் மேலாக) என்னை திரையரங்குகளில் மகிழ்வித்த/ மகிழ்வித்து வரும் ஒரு நல்ல "entertainer"கு அதற்கும் மேலாக நான் மதிக்கும், என்னுள் "inspiration"ஆக இருக்கும் மனிதருக்கு தற்பொழுது உடல்நலக் குறைவு ஏற்பட்டு இருக்கும் பொழுது சற்றே வாட்டி வதைக்கிறது.

இதையும் மீறி இந்த உணர்வுகளைப் புரிந்து கொள்ள முடியாமல்/ விரும்பாமல் இருக்கும் அன்பர்கள்......தயவு செய்து ஒதுங்கிக் கொள்ளவும். இது எங்க ஏரியா.......

பெரும்பாலான ரஜினி ரசிகர்கள் இன்றைய தேதிக்கு நல்ல வேலையில், குடும்பத்துடன் சந்தோஷமாகத்தான் உள்ளனர். ஆம் ரஜினி என்றாலே ஒரு பரபரப்பு, படபடப்பு, சந்தோஷக் கூச்சல்/ கலாட்டா, விசில்... இதெல்லாம் உண்டு. அதற்காக ஏதோ நாங்கள் தினமும் காலை முதல் மாலை வரை இதைத்தான் செய்கிறோமா?

இது போன்ற ஒரு கூட்டுப் பிரார்த்தனையை தமிழகம் ஏன் இந்தியாவே மீண்டும் எப்போது கானும்? இதில் ரஜினி ரசிகர்கள் இல்லாதவர்களும் அடங்குவார்கள்!!

இதோ இன்று சிங்கப்பூருக்குச் செல்கிறார்...... கூடிய விரைவில் பூரண உடல்நலம் பெற்று விரைந்து திரும்பி வா தலைவா!

Have a pleasant & safe flight .

மதராசபட்டினம்...

2010-07-11T09:32:00.015+01:00

மதராசபட்டினம் - தமிழில் வந்து கொண்டிருக்கும் "சில நல்ல" படங்களின் வரிசையில் சேர்ந்துள்ள புதிய படம்.

ஒரளவிற்கு ஹிந்தி, ஆங்கிலம் (Titanic தான்) படங்கள் பார்ப்பதால் படத்தில் சில காட்சிகள் அப்படங்ளை நினைவூட்டினாலும் தமிழில் நல்லதொரு படமாய் வந்துள்ளது. படத்தில் "Lagaan", Titanic படங்களின் பாதிப்பு இருப்பது அதிகம் தெரியாமல் இருக்க ஒரே காரணம்..... தமிழில் சில படங்கள் மட்டுமே இது போல வருகின்றது அதனை வரவேற்போம்.

படம் Amy என்ற பாட்டியின் நினைவுகளோடு தொடங்குகிறது.

பாட்டி... ஆர்யாவின் ஃபோட்டோவைப் பார்க்கும் போது "போச்சுடா.... அடுத்த flash back" என்ற நினைப்பை பொய்யாக்குகிறது சற்றே விரிவாக , வித்தியாசமாக படமாக்கப்பட்டுள்ள படம்.

ஆர்யா....நன்றாக செய்துள்ளார். அவரின் அறிமுக காட்சியாகட்டும்,
போலீஸ் ஸ்டேஷனிலிருந்து வெளியே வரும் போது வெளிப்படுத்தும் நக்கல் கலந்த ஆத்திரமாகட்டும்,, ஆங்கிலம் கற்றுக்கொள்ள அவரின் முயற்சியும், குஸ்தி போரிடும் போதும்.... நான் கடவுள் படத்தைக் காட்டிலும் தேர்ந்த நடிப்பு. வாழ்த்துக்கள் ஆர்யா

Amy Jackson : ஹ்ஹ்ஹ்ம்ம்ம்ம்ம்... சுருக்கமாகச் சொன்னால் ... நம்ம ஊர் ஹீரோயின்கள் பலரை விட பாந்தமான அழகு கூடவே அருமையான நடிப்பும். Miss teen world 2009!
எங்க ஊர் என்பதில் (UK) சற்றே பெருமைதான்

மறந்துட்டியா என அவர் ஆர்யாவிடம் கேட்கும் காட்சி அவ்வுளவு சீக்கிரம் மறக்காது, மனதினுள் காதலை வைத்துக் கொண்டு மருகும் காட்சியிலாகட்டும்.... கலக்கிட்டீங்க Amy!! கூடிய சீக்கிரம் தெள்ளத்தெளிவாக தமிழில் வெளுத்துக் கட்டுவார் போலத் தெரிகிறது

யாருங்க அந்த வெள்ளைக்கார போலீஸ்???? சரியான ``வில்லன் மூஞ்சி`` !!
கைதிகளை ஓடவிட்டு அவர்களை கொல்லும் விதம் இன்னமும் நடுக்கத்தை தருகிறது!.

வி.எம்.சி ஹனீபா. மனிதர் பின்னி பிடலெடுத்துள்ளார். ஆனால் இனி அவரின் நடிப்பை இனி வரும் படங்களில் காண இயலாது என்ற நினைக்கும் போது வருத்தமாகத்தான் உள்ளது.

நாசர், பாலாசிங், பாஸ்கர் ஆகியோரின் பாத்திரப் படைப்பும், நடிப்பும் அருமை.

இசை : ஜீ.வி.பிரகாஷ். வாம்மா துரையம்மா, மேகமே பாடல்கள் மீண்டும் கேட்கத் தூண்டுகிறது. பின்னணி இசையும் அருமை !

படத்தில் சில காட்சிகள் கிராபிக்ஸ் என்றாலும்... அந்தக் காலத்து சென்னையை காணும் போது.... மிக தத்ரூபமாகத் தோன்றுகிறது. ஆர்ட் டைரக்டரின் உழைப்பு படத்தின் ஒவ்வொரு காட்சியிலும் தெரிகிறது. விருது கிடைக்கலாம்!

படத்தின் அளவைச் சிறிது குறைத்திருக்கலாம். இடைவேளை இல்லாத படமோ என்று நினைக்கும் அளவிற்கு முதல் பாதி(யும்) நீளம். படத்தின் இயக்குனர் விஜய் Titanic மற்றும் Lagaan படத்தின் பாதிப்பை தமிழில் தந்துள்ளார்.ஆர்யா- போலீஸ் குஸ்தி பந்தயம்,படத்தின் கடைசி காட்சி படகில் என சில காட்சிகள்.
துரையம்மாள் ட்ரஸ்ட் காட்சிகள் வலுவில் திணிக்கப்பட்டது போல தெரிகிறது. எதிர்ப்பார்த்த க்ளைமேக்ஸ்.

தமிழில் நல்லதொரு முயற்சி...

சிறிது கத்திரி போட்டால் படத்தில் இன்னமும் விறுவிறுப்பு கூடும்..... நம்ம ஊர் தியேட்டர் ஆப்பரேட்டர்கள் அதில் வல்லவர்கள்!

ரா(வு)ணன்

2010-06-18T02:44:00.004+01:00

சிலரின் படங்களுக்கு மட்டுமே மவுசு உண்டு.... அதில் மணிரத்னமும் ஒருவர்.
ராவணன் படத்திற்க்கு மிகுந்த ஆவலோடு சென்றவர்களில் அடியேனும் உண்டு. அதுவும் 1st day...இந்தியாவில் ரிலீசாகும் முன்னரே இங்கு பார்த்து விட்டால் நம்ம மதிப்பே இன்னமும் எகிறும்... என்ற நினைப்பு வேறு.

ஆனால் “அவனவன் நெனப்ஸ் தான் பொழப்ஸ கெடுக்குது” என்பது நிஜம்!!

கதை சிம்பிள் ... ப்ரித்விராஜ் (ராமன்), விக்ரம் (ஒரு தலை ராவணன்), கார்த்திக் (அனுமன்???), ப்ரியாமணி (சூர்ப்பனகை)... அப்புறம் ஐஸு (சீதா)
இப்படித்தான் தோன்றுகிறது. விக்ரம் ; ப்ரித்விராஜை (போலீஸ்) பழிவாங்க அவர் மனைவியை கடத்துகிறா்ர் .ஐஸ்வர்யாவின் மேல் காதல் வருகிறது. இதில் மணிரத்னம் பழங்குடி மக்களின் பிரச்சினை, சந்தன வீரப்பனின் தம்பி அர்ஜுனன் சுட்டுக் கொள்ளப்பட்டது, அதிரடிப்படையினரின் அடக்குமுறை் ப்ளஸ் செண்டிமெண்ட், காதல்,பழி வாங்கும் உணர்ச்சி ... (இருங்க பாஸ் கொஞ்சம் மூச்சு வாங்கிககுறேன்.....) என ஒரு கூட்டாஞ் சோறாக கொடுத்து இருக்கிறார்.

ஆனால் மணி என்னதான் சொல்கிறார்?? நக்ஸல் பிரச்சினையா, அதிரடிப் படையினர் வீரப்பன் வேட்டையின் போது அடித்த அட்டகாசங்கள் பற்றியா? இல்லை எதுவும் இல்லாது சும்மா “டைம் பாஸ்” படமா???

படம் முடிந்த்து வெளியே வரும் போது ஒரு துண்டு கிடைத்தால் தலை துவட்டிக் கொள்ள வேண்டும் அளவிற்கு படம் முழுவதும் மழை !!

ஒளிப்பதிவு சூப்பர்!. ரஹ்மானின் இசை அருமை, ஆக்‌ஷன் காட்சிகள் மற்றும் ஐஸின் நடிப்பு மிகவும் அருமை!விக்ரம் இது போல உறுமி உறுமி வசனம் பேசுவது எல்லாம் “தில், தூள்” வரை நன்றாக இருந்தது! இதில் “டண்ணக்க” வேறு. ப்ரித்விராஜின் நடிப்பு எடுபடுமா எனத் தெரியவில்லை!கார்த்திக், பிரபுவும் இருக்கிறார்கள். பிரபுவின் கதாபாத்திரம் பராவாயில்லை. ப்ரியாமணிக்கு மீண்டும் ஒரு பருத்தி வீரன் மாதிரிதான். நல்ல வேளை இதில் அவ்வுளவு பயங்கர முடிவாக இல்லை என்பது ஒரு ஆறுதல்.

ரஞ்சிதா வரும் காட்சிகளில் தியேட்டரில் விசில் பறந்தது ;)))

சுஜாதாவின் மறைவு நிச்சயம் மணிக்குப் பெரும் இழப்புதான். ஏனெனில் அவரின் படங்களில் வரும் வசனங்களில் உள்ள ஆழம் இதில் சற்றும் இல்லை. அதுவும் க்ளைமேக்ஸ் காட்சியின் வசனம் சற்றே “வழ வழ கொழ கொழ” தான்.

ப்ரியாமணியின் திருமணத்தின் போது ஏன் விக்ரம் சுடப்படுகிறார் என்பது தெரியவில்லை. அவர் பழங்குடி (மாவோயிஸ்ட் ???) தலைவர்(??? ) என்பதாலா? அல்லது ஏதேனும் ரயில் தண்டவாளத்தை தகர்த்ததாலா??? அல்லது ஆளும் கட்சிக்கு குடைச்சல் தந்தாரா???இதற்கெல்லாம் பதில் தெரியவில்லை. ஒரு வேளை என்னைப் போன்றவர்களை “வெவரம்” உள்ளவர்கள்... புரிந்து கொள்வார்கள் என்று முடிவே செய்து விட்டார்களோ!!!

பல காட்சிகளில் படத்தில் வரும் கதாபாத்திரங்கள் “பத்து தலை பத்து தலை” என்று வசனம் வேறு பேசுகிறார்கள். போதாக் குறைக்கு விக்ரம் ராவணன் என்று “ரகசியத்தை” சொல்லியே விடுகிறார்.

பத்து தலை இருந்தால் தான் ராவணன்.... ஒரு தலை எல்லாம் சாதாரண மனிதன் தான் !!

அங்காடித் தெரு - நிதர்சனம்.

2010-03-27T02:13:00.005Z

பளபளக்கும் கடைகளுக்குள் உழலும் மனிதர்களின் இருட்டு வாழ்க்கையை முகத்தில் அடித்தாற் போல் சொல்லும் ஒரு படம்.

வசந்தபாலனின் ஒரு நேர்மையான முயற்சி!

இயலாமை, இல்லாமை மற்றும் வறுமையில் வாழும் மக்களின் கதைக் களத்தை தேர்ந்தெடுத்தவரைப் பாராட்டியே தீரவேண்டும்.

வெயிலில் தோல்வியை மட்டுமே சந்திக்கும் மனிதனை கதாநாயகனாகக் காட்டியவர்.... இப்படத்திலும் அடித்தட்டு மனிதர்களின் வாழ்க்கையையும் அவர்களின் அவலத்தையும் உரித்துக் காட்டியுள்ளார்.
அவ்வப்போது பத்திரிகைகளில் மட்டுமே படித்து பின்னர் மறந்து போகும் ஒரு விஷயத்தை திரையில் பார்க்கும் போது மனம் பதறுகிறது.

இனி துணி வாங்க கடைக்குப் போகும் போதெல்லாம் இப்படத்தின் காட்சிகள் நெஞ்சை உறுத்தும்.

தந்தையை இழந்த காரணத்தினால் படிப்பை விட்டு சென்னைக்கும் வரும் மகேஷ் மற்றும் அவரது நண்பரும் கனவுகளோடு சென்னைக்கு வருவதும்.. அங்கே மனிதனை நாயாக கூட மதிக்காமல் பன்றிக் கூட்டம் போல நடத்தும் அவலம்தான் படத்தின் கரு.

கதாநாயகியாக வரும் அஞ்சலிக்கு ஒரு ஸ்பெஷல் சல்யூட். அருமையானத் தேர்வு. அவரின் தந்தையாக வரும் விக்கிரமாதித்யன் மகளை அநாதையாக மருத்துவமனையில் விட்டுச் செல்லும் போது நமது நாட்டில் இது போன்ற அவலங்களும் நிகழ்கின்றன என்ற கசப்பான உண்மை சுடுகின்றது.

குள்ளனாக வருபவரும், அவரது மனைவியாக வரும் பெண்ணும் ... அவர்களுக்குப் பிறக்கும் குழந்தையும்... காட்சியமைப்பும், வசனமும்.. பிரமிக்க வைக்கின்றது.

சரி... படத்தில் வரும் ஒவ்வொரு பாடல் காட்சிக்குப் பின்னர் இவர்கள் வாழ்க்கையில் ஒரு மாற்றம் ஏற்படும் என்று பார்த்தால் மேலும் மேலும் அடி மேல் அடி விழுகிறது.
திரையரங்கை விட்டு வெளி வரும் போது இது ஒரு படம்தானே என்ற எண்ணம் ஏற்படவில்லை. காரணம் இது போன்ற செய்திகளை பற்றி கேட்டோ / படித்தோ உள்ளோம்.
ஆனால் அதனை ஒரு காட்சியாக பார்க்கும் போது மனதை ரணமாக்குகிறது.

“அண்ணாச்சி” களின் ராஜ்ஜியத்தை உரித்துக் காட்டுகின்ற ஒரு நிஜக் குரலாகவே இப்படம் தோன்றுகிறது.

அதுவும் படம் முடிவடையும் போது கேமரா சரவணா ஸ்டோர்ஸ் விளம்பர போர்டின் மேல் சென்று முடிகிறது

புரோக்கர் எதுக்கு???

2010-03-03T01:11:00.008Z

கடவுள் இல்லை என்பவருக்கும், இந்து மதத்தினை இழிவாக பேசி வருபவர்களுக்கும் இதோ அடுத்த ஜாலியோ ஜிம்கானாதான்!

”ரிப்பீட்டேய்” என்றபடியே அடுத்த “டகால்டி”!. மக்களின் மீதுதான் குற்றம் சொல்ல வேண்டும். அது நீண்ட சடையோ/ வழுக்கைத் தலையோ நம்பி விடுகிறார்கள்.
திருடனை வீட்டிற்குள் அனுமதித்த பின்பு திருடி விட்டான் என்று புலம்புவர்களைப் பார்த்து எனக்கு இம்மியளவும் பரிதாபம் ஏற்படவில்லை. மாறாக “ பார்ட்டி” கொஞ்சம் கவனமாக இருந்திருக்கலாமென்றுதான் தோன்றியது. குமுதம் என்ன சொல்லப் போகிறதோ.. ஏனென்றால் இவருக்கு “ஓப்பனிங்” தந்ததே குமுதம்தான்(கதவைத் திற.. காற்று வரட்டும்)
ஆனால் சாமி நீங்க கதவை/ ஜன்னலை மூடியிருக்க வேண்டும் :))))

கடவுளை நம்புங்கள் அல்லது நம்பாதிருங்கள் ஆனால் கடவுளுக்கும் உனக்கும் இடையே நான் “மீடியேட்டர்” என்பவனை/ளை நம்பாதீர்கள்.
சிலரைப் பார்த்தவுடனேயே ஒரு வகையான அபிப்ராயம் ஏற்படும்.... எனது சொந்த அனுபவத்தில் இது வரை மீடியா வெளிச்சத்தில் இருக்கும் அல்லது இருந்த எந்த ஒரு ஆன்மிகவாதியின்(???) மீதும் நல்ல அபிப்ராயம் இருந்தது கிடையாது.
இதனக் கூறுவதால் நான் நாத்திகவாதி என்று அர்த்தமாகிவிடாது. தினமும் குளித்து சிறிதளவு திருநீர் பூசி “ கடவுளே இன்றைய நாள் நல்ல படியாக போக வேண்டும்” என்றபடி வேலைக்குச் செல்பவர்களில் நானும் ஒருவன். அவ்வப்போது கோவிலும் / தேங்காயும் உண்டு. இது எல்லாமே 1 to1தான்!

கலிகாலம் இது.... கல்கிதான் காப்பாற்ற வேண்டும்!.... அடடா அவரும் மாட்டிக்கிட்டாரோ!!

யப்பா.......

2009-12-18T14:40:00.003Z

சான்ஸே இல்ல...

அமிதாப் - தெய்வத்தின் தெய்வம்

2009-12-09T09:05:00.009Z

ப்பா... நீண்ட நாட்களுக்குப் பிறகு சத்தம், ரத்தம், இல்லாமல் வந்து மனதை மெலிதாய் அதிர்வூட்டிய படம்.
நம்ம கமல் இது மாதிரி ”எவ்வளோவோ செஞ்சுட்டாரு” இதுக்கெல்லாம் அலட்டிக்கலாமா??
என்ற எண்ணம் தோன்றினாலும்; இது அமிதாப் என்பதாலேயே முக்கியத்துவம் பெறுகிறது.

அமிதாப் - The Angry Young man, Icon of Indian (Hindi) Cinema, The Legend இன்னமும் என்ன சொன்னாலும் தகும்.

படம் ஆரம்பமாகும் பொழுதே ஜெயாபச்சனின் அறிமுகவுரை அற்புதம்.அறிமுகம் அமிதாப்பச்சன் என்று சொல்லி குறும்பாக சிரித்தவிதம் மிகவும் அழகு.

Auroவின் introduction கலக்கலான ஒன்று. அதுவும் பரிசுக் கோப்பையை பிடுங்கிக் கொண்டு செல்லும் ஸ்டைல் / குரங்கு சேஷ்டை சூப்பர்ப்.
அழுவாச்சி படமோ என்று எண்ணும் போதே...இல்லையில்லை படம் முழுவதும் மெலிதான நகைச்சுவை இழையோடும் என்பதை முதல் காட்ச்சியிலேயே உணர்த்தும் பால்கி அவர்களுக்கு ஒரு சபாஷ்.

பால்கியின் “cheeni kum" படத்தில் எவ்வாறு நகைச்சுவைக் காட்ச்சிகள் இருந்ததோ அதைப் போல அன்றாட வாழ்க்கையில் வெகு இயல்பாக நாம் பேசுவது போன்ற வசனம் படத்திற்க்கு பலம்.அதுவும் பள்ளிக்கூடத்தில் சிறுவர்கள் “bastard" என்று ஒருவரை ஒருவர் திட்டிக் கொள்வதைப் பார்க்கும் போது “நாமெல்லாம் ரொம்ப நல்லவய்ங்களா இருந்திருக்கோம்” என்று பெருமையாகாச் சொல்லிக் கொள்ளலாம்.

Algebraவில் வரும் X, Y பற்றி அமிதாப் விளக்கும் போதும்,Body guards பற்றி விளக்கம் கேட்கும் போதும்,விஷ்ணு என்ற சிறுவனுடன் நடைபெறும் உரையாடலின் போதும் தியேட்டரில் சிரிப்பலை அடங்க சற்று நேரமானது.
படத்தின் மற்றொரு பலம் அபிஷேக்பச்சன் அமிதாப்பின் தந்தையாக நடித்திருப்பது.கண்டிப்பாக இது படம் பற்றிய எதிர்ப்பார்ப்பை அதிகரிகச் செய்தது ஆனால் அமிதாப் மற்றும் வித்யாபாலனின் முன்பு அபிஷேக் எடுபடவில்லை.சோகத்தை வெளிக்காட்டாமல் புன்னகையோடு வலம் வரும் வித்யா பாலன் மற்றும் அவரது தாயார் கேரக்டர் (பெயர் நினைவில்லை)சரியானத் தேர்வு.
வித்யாபாலனின் தாயாக நடித்திருப்பவரின் நடிப்பும் அருமை. Hey Bum !!! ;))

Cheeni Kumல் வரும் சிறுமியின் பாத்திரம் படத்தின் மிகப் பெரிய பலம்.க்ளைமேக்ஸில் அவள் பேசும் வசனத்தை Tabuவின் வசனத்தோடு பால்கி இணைத்திருப்பார்.அதைப் போல இப்படத்திலும் கடைசியில் ஒரு சிறுமி பேசும் வசனம் அருமை.
அபிஷேக் ஒரு நேர்மையான அரசியல்வாதி என்பதைக் காட்ட வரும் காட்சிகள் ஒட்டவில்லை.
ஒரு பரபரப்போ, திடுக்கிடும் திருப்பங்களோ இல்லாமல், மிகவும் தெளிவான திரைக்கதையோடு, படம் இப்படித்தான் முடியும் என்பதை முன்பே உணர முடிந்தாலும் ”ப்பா” மனதை ஆக்கிரமித்ததன் மிகப் பெரிய காரணம் அமிதாப்தான்.

இசை - இளையராஜா... பால்கி ஒரு இண்டர்வியூவில் சொல்லியிருந்தார் Cheeni Kum படத்திற்காக ராஜாவை அணுகி உங்களது பழைய பாடல் மெட்டுக்களிலிருந்து எடுத்துக் கொடுங்கள் என்றாராம். அதற்கு ராஜா : புது மெட்டுக்கள் தருகிறேன் என்று கூறியதற்கு பால்கி கூறினாராம் ”உங்களது 80ல் வந்த இசையைக் கேட்டறியாத வடமாநிலத்தவர்கள் அதைக் கேட்பதற்க்கான ஒரு வாய்ப்பு இது.

Theme Music ஒன்று மட்டுமே போதும் “ராஜா ராஜா”தான் என்பதை நிரூபிக்க.

பால்கி aka பாலகிருஷ்ணன் - 2வது படத்திலும் உங்கள் மீதான மரியாதையும்/ எதிர்பார்ப்பும் கூடியுள்ளது. வாழ்த்துக்கள்!
அமிதாப் Shahensha படத்தில் வில்லனிடம் பேசும் வசனம்
"RISHTEY MEIN THO HUM TUMHARE BAAP LAGTE HAIN, NAAM HAI SHAHENSHAH (உறவு முறையில் பார்த்தால் நான் உனக்கு அப்பன் மாதிரி, என் பெயர் Shahensha)

இதை அவர் தற்போதைய இளைய/ வளரும் நடிகர்களிடம் சொல்லலாம்!!

அது என்ன “தெய்வத்தின் தெய்வம்” ??? எனக்கெல்லாம் சாமின்னா “ரஜினி”தான் ;) ஆனால் ரஜினி சாமியே சாமி லெவலுக்கு கொண்டாடுவது அமிதாப்பைத்தான்.. அப்ப தெய்வத்தின் தெய்வம் ஓகேதானே !! ;))))

காந்தி ஜெயந்தி- விடுமுறை அவசியமா?

2009-10-02T13:26:00.004+01:00

திடீரென்று காரணமில்லாமல் இது தோன்றவில்லை. இங்கிலாந்து வந்து 6 வருடங்கள் ஓடிவிட்டது. சரி, மெஜாரிட்டி இந்தியர்கள் போல இந்த ஊர் passport எடுக்கலாமென்று முடிவு செய்து அதையும் செய்தாயிற்று. இப்போது இந்தியாவிற்கு விடுமுறையில் செல்ல வேண்டுமென்றால் visa அவசியம்!
OCI- Overseas Citizenship of Indiaவிற்கு பதிவு செய்து அதை பெற Indian embassy சென்றால் ”காந்தி ஜெயந்தி”யை முன்னிட்டு இன்று விடுமுறை! கடுப்பாகிவிட்டது.
சே! நம்ம ஊரில்தான் இப்படியெல்லாம் நடக்கும் என்று வழக்கமான இந்திய மனப்பான்மையோடு திட்டி விட்டு “இங்கே இப்படியெல்லாம் கிடையாது, நாம்தான் வெட்டியாக இப்படி செய்கிறோம்” என்றெல்லாம் யோசித்துவிட்டு வேலைக்குச் சென்றேன்.
oct-2nd அன்று நாம் அப்படி என்ன செய்து கிழிக்கிறோம்? தொலைக்காட்சியில் ஒரு படம், ஒரு நாள் முன்பே “சரக்கு” ஸ்டாக்”, பிறகு ஒரு தூக்கம். இதற்கு ஏன் ஒரு நாளை விரயம் செய்ய வேண்டும்! என்றெல்லாம் யோசித்தவாறு இருக்கும் போது உடன் பணிபுரியும் நண்பன் ஒருவனும் கிண்டலாக இது பற்றி கூறினான் ( இங்கிலாந்தை சேர்ந்தவர்- வெள்ளையர்)நானும் வழக்கப்படி ஆமாம் என்று தலையை ஆட்டிவிட்டு இவன் சொல்வதும் சரிதானே என்று நினைத்தேன்.
அப்போது அவனிடம் இங்கே இது போன்ற வழக்கம் எதுவும் இருக்கிறதா? என்றேன்
பதில் : We dont waste our time on such things, mate.
பிறகு அவனிடம் உங்க ஊரில் யார் பிரபலம்( இந்தியாவில் காந்தியைப் போல) என்று கேட்டேன். அவன் சிறிது யோசித்து விட்டு ”hmmm... i would say its Churchill" என்றான். அவர் எப்போது பிறந்தார் என்று கேட்டால் பதில் தெரியாது. சரி, வேறு தலைவர்கள் பெயர், பிறந்தநாள் பற்றி ஏதேனும் தெரியுமா
பதில்: தெரியாது.
அப்போது உறைத்தது நமது குடும்பத்தில் இருந்த முன்னோர்கள் பற்றியே ஏதும் தெரியாத நாம் ,நமது தலைவர்கள் குறித்தாவது நினைவு வைத்துள்ளோம் என்றால் அதற்கு முக்கிய காரணம் இந்த விடுமுறைதான்! இப்படியாவது வரும் சந்ததியினருக்கு நமது வரலாற்றை தெரிய/ புரிய வைப்போம்

அமெரிக்காவுல மைக்கேல் ஜாக்சன் கூப்பிட்டாகோ, ஜப்பான்ல ஜாக்கிச்சான் கூப்பிட்டாகோ

2009-08-28T00:39:00.005+01:00

நடிகர் விஜய்க்கு ராஜ்யசபா எம்.பி., பதவி
- செய்தி

இத சொல்லலாம்னுதான்... ;)
அப்புறம்... அப்டியே இந்த தமாசு ”சீனையும்” பாத்துட்டுப் போங்க!

மொக்கச் சாமி

2009-08-21T02:01:00.006+01:00

ஆஹா.... ரெம்ப நாளைக் அப்புறமா ஒரு தமிழ்ப்படம் பாக்கலாமுனு போனேனே.... அது அந்த ~ கந்தசாமி~க்கு பொறுக்கலையா.... 3 மணி நேரமா ஒரு பச்சப் புள்ளனு கூட பாக்காம இப்படி மொக்கு மொக்குனு மொக்கிட்டாரே!

குருவியும் இப்படித்தேன்... இப்ப இது.

ஏன் நம்ம சீயானுக்கு??? நல்லாதேனே இருந்தாரு

10% அந்நியன், 7.5% இந்தியன், 12.5% சிவாஜி இதெல்லாத்தையும் ஒரு ஆட்டு ஆட்டி எடுத்தா இப்படித்தேன் .

படம் ஆரம்பிக்கும் போது ஆஹா விக்ரம் தலையை ஆட்டிக்கிட்டு வராரே.. ஏதோ கலக்கலா இருக்குமுனு பாத்தா...

ஆஷிஷ் வித்யார்த்தி நடிப்பு பராவாயில்லை!.

சிலபல ஓட்டைகள்.

1)ஆஷிஷ் வித்யார்த்தி “ரெய்ட்” சமயத்தில் பக்கவாதம் வந்து விழுகிறார். மொத்த CBI கும்பலும் அவரது உதவியாளர் சொல்வதைக் கேட்டுக் கொண்டு இடத்தை காலி செய்கிறது.

2)அவரைக் கைது செய்தார்களா ?

3) வடிவேலு காமெடி பராவாயில்லை. இருந்தாலும் ஒட்டவில்லை.

4)DIG காரில் CBI அலுவலகம் முன்பு காத்திருக்கிறார், வில்லன் கோஷ்டி விக்ரமைக் கடத்துகிறது.

மன்சூர் அலிகானை இன்னமும் உபயோகித்திருக்கலாம். கத்திரிக்கு வேலை கொடுத்திருக்கலாம். ஆனால் என்ன நம்ம ஊர் தியேட்டர் ஆபரேட்டர்கள் அருமையாக செய்துவிடுவார்கள்

இதுல ஷ்ரேயா வேற ; சிவாஜில பாத்தா மிக அழகாக இருப்பார்; இதுல ஆபாசம்தான். அந்த “டப்பிங்” குரல் யாருங்கோ , கரடு முரடா இருக்கிறது.

பிரபுவைப் பார்த்தால் “என்ன கொடுமை சார் இது” வசனம் தான் நினைவிற்கு வருகிறது.

மக்களுக்கு உதவுகிற காட்சிகளிலும் சற்றே ஆழம் குறைவுதான்

அது மட்டுமல்ல தேவையற்ற பாடல்கள்(படத்தில் சொருகலாகத்தான் தெரிகிறது)கூட வேகத்தை மட்டுப்படுத்துகிறது.

விக்ரமின் நண்பர்கள் ஒவ்வொருவரும் “லிங்க்” ஆகியிருக்கும் விதம் அருமை.

சாமி படத்திலேயே “ஒருச்சாமி, ரெண்டுச்சாமி... என்று கலக்கியவராச்சே ;இது கந்தசாமியாச்சே என்று போனால் சாமியில் சொல்லாத ஒரு வசனம்

இதில் எக்ஸ்ட்ரா ஃபிட்டிங்... அது “மொக்கச்சாமி”

ஒரு அவசர உதவி...

2009-08-10T09:29:00.003+01:00

தற்போது பரவாயில்லை. உதவியவர்களுக்கும், உதவ நினைத்தவர்களுக்கும் நன்றி.

*************************************************************************************

நண்பர்களே, ஒரு அவசர உதவி.
எனது தங்கை திருமணமாகி Hyderabadல் இருக்கிறாள்.
தற்போது Dengu Feverல் பாதிக்கப்பட்டு மருத்துவமனையில் சேர்க்கப்பட்டு சிகிச்சை அளித்து வருகின்றனர்.
B+ ரத்தம் தேவப்படுகிறது. Blood bankல் கிடைப்பதை விட fresh blood கொடுத்தால் உடனடி பலன் கிடைக்கும் என்று மருத்துவர்கள் கூறுகிறார்கள்.
Hyderabadல் உள்ளவர்களில் எவரேனும் உதவ முடிந்தால் எனது தங்கையின் கணவர் திரு.சுரேஷ் அவர்களை 9985102620ல் தொடர்பு கொள்ளவும். எனது பெயர் விஜய்.
நன்றி

இது கொஞ்சம் ஓவராத்தான் தெரியுது..

2009-07-21T02:12:00.002+01:00

அப்படி என்னத்தய்யா, இவிங்க செஞ்சுபுட்டாய்ங்க???? செமத்தியா வாங்குறானுவ???

நமது திறமையை அடுத்தவர் பாராட்டினால்....

2009-07-18T22:49:00.002+01:00

என்னதான் நம்ம விட்டுப் பிள்ளையை நாம் பாராட்டினாலும் அடுத்தவர் பாராட்டும் போது நாம் ரசிக்கும் மகிழ்ச்சியே தனி சுகம்தான்.
இப்பாடலை மேடையில் பாடுவதற்க்கான முயற்சி / உழைப்பு எடுத்தவர்களை மனதாரப் பாராட்டுவோம்

எப்பிடி இருந்த ஆள்... இப்பிடி !!!

2009-05-26T09:21:00.007+01:00

நல்லவரை/ வல்லவரை ஆதரிப்போம்

2009-05-07T12:29:00.003+01:00

சாதி, பணம், கேவலமான அரசியல் இதையெல்லாம் தாண்டி இவர் ஜெயித்தால்... நம் நாடு சத்தியமாக அனைத்து வகையிலும் முன்னேறும்!

சுடும் உண்மைகள்

2009-05-01T12:06:00.005+01:00

நேரம் கிடைக்கும் போது பார்க்கவும்.... வேதனையாகத்தான் உள்ளது!
வழக்கம் போல சிறிதளவு விசனப்பட்டுவிட்டு மேடைப் பேச்சுக்களை ரசிக்க கிளம்புவோம்.
இது எவரையும் ஆதரித்தோ/ எதிர்த்தோ அல்ல.... நான் பேசும் அதே மொழியைப் பேசுவோர்/ சக மனித இனம் படும் துயரம் வருத்தப்பட வைக்கின்றது. இவர்களுக்கு ஒரு விடிவே இல்லையா!??

சும்மா தமாசுக்கு மட்டுமே!!

2009-04-21T13:08:00.002+01:00

மெயிலில் வந்தது..... அப்டியே பரப்புவோம் என்று நினைத்தேன்!
***********************************************************************************

உடன்பிறப்பே! நான் நீ என்று சொன்னால் உதடுகள் ஒட்டாது, “பெவிக்குவிக்” ஒன்றை வாங்கி ஒட்டினால் வாயே ஒட்டிக்கொள்ளும்.உணக்கு இதைக் கேட்டு சிரிப்பு வருகிறது.ஆனால் இங்கே என் நிலையோ சிரிப்பாய் சிரிக்கிறது. மொத்தம் உள்ளதே 40 சீட்டு தான்.ஆனால் அதை 4000 பேர் பிரித்துக்கேட்கிறார்கள். நான் என்ன செய்ய?,தொகுதிப் பங்கீட்டு பேச்சுவார்த்தை என்ற பெயரில் உள்ளே நுழைகின்றவர்களுக்கு டீயும்,சமோசாவும் வாங்கிக் கொடுத்தே நான் இவ்வளவு காலமும் வாயக்கட்டி வயித்தக் கட்டி சம்பாதித்த காசுகள் எல்லாம் கரைந்து விடும் போலைருக்கிறது. வெறும் விசிட்டிங்கார்டு வைத்திருப்பவர்களெல்லாம் அறிவாலய செக்யூரிட்டியிடம் 50 ரூவாயைத் தள்ளிவிட்டு விட்டு பேச்சிவார்த்தை என்ற பெயரிலே உள்ளே நுழைந்து என் பெண்டை நிமித்தி விடுகிறார்கள். நான் யாரைத் தடுப்பேன். தடுக்கக் கூடிய நேரமா இது?.

என்னவோ! என் பெருமைக்குரிய தமிழக மக்களிடம் இருக்கும் ஞாபக மறதியை நம்பி இந்தத் தேர்தலிலும் மீண்டும் திராவிட முன்னேற்றக் கழகம் போட்டியிடுகிறது. மக்களே! நான் சட்டமன்றத் தேர்தலில் என்னென்ன வாக்குறுதி அளித்தேனோ அதையெல்லாம் அடுத்த சட்டமன்ற எலக்சன் அறிவிக்கும் வரை அமுல்படுத்தக் கடமைப்பட்டுள்ளேன்.அது மட்டுமின்றி வரப்போகிற எலக்சனுக்காக வேண்டி மேலும் சில இலவச திட்டங்களைப் பட்டியலிடுகிறேன்.இந்த இலவசங்களைப் பார்த்து வழக்கம் போல வாயைப் பிளந்தவாறு உதயசூரியனில் விரல்களைப் பதித்துவிடுங்கள். இந்த எலக்சன் மதுரைக்கு மட்டும் நடக்க இருந்தால் நான் உங்களை இவ்வாறெல்லாம் கேட்க மாட்டேன். காரணம் அங்கே நீங்கள் எந்த சின்னத்தில் உங்கள் விரலை வைத்தாலும் அது சூரியனையே சுத்திவரும். என்ன செய்ய என் கண்மணிகளே! என்னிடம் 40 அஞ்சா நெஞ்சர்கள் இல்லயே, இருந்திருந்தால் நான் இது போன்ற ஒரு மொக்கை கடிதத்தை என் விரல் கடுக்க வடித்திருக்க மாட்டேன் என் செல்வங்களே!

கிடப்பது கிடக்கட்டும் கிளவியைத்தூக்கி மணையில் வை என்ற கதையாக, நாடு எப்படி போனால் என்ன என்று முடிவு செய்தவனாக என் இலவசங்களைப் பட்டியலிடுகிறேன்,பாய்ந்து வந்து பிடித்துக்கொள்ளுங்கள்.

1) இதுவரை ரேசன் கடைகளில் வழங்கப்பட்ட அரிசிக்கு பதிலாக சுடச்சுட சோரும்,சுரும்பு கருவாட்டுக் குழம்பும் வழங்கப்படும்.இதனால் ஏற்கணவே வீடுகளில் சமைக்காமல் இலவச கலைஞர் டிவியே கதி என்று கிடக்கும் 2 கோடிதாய்மார்கள் பயன்பெறுவார்கள்.

2) தமிழ்நாடு ரேசன் அரிசி கடத்துவோர் சங்கம், தங்களுக்கு லாரி வாடகை கட்டஇயலவில்லை என்ற கோரிக்கையை முன்வைத்து நடத்திய பேரணி ஆர்ப்பாட்டம் கணிவோடு பரீசீலிக்கப்பட்டு ரேசன் அரிசி கிலோ 1 ரூபாயில் இருந்து 0.50பைசாவாகக் குறைக்கப்படும்..இதன் மூலம் 80,000 ரேசன் அரிசி கடத்துவோர் பயனடைவார்கள்.

3) ஏழை விவசாயிகள் இன்னும் கூட வெறும் கோவணமே கட்டும் அவல நிலையைக் கருத்தில் கொண்டு அவர்களுக்கு இலவச ஜட்டி வழங்க ஆவண‌ செய்யப்படும்.அதுமட்டுமின்றி இனிமேல் தமிழகத்தில் கோவணம் கட்டுவது தடைசெய்யப்படும். இனிமேல் தங்கர்பச்சான் போன்றவர்கள் அரசு ஜட்டிகளையே பயன்படுத்திக் கொள்ளலாம்.

4) ஏற்கனவே கூத்தாடும் குடிமகன்களுக்கு குஜால் செய்தியாக‌, டாஸ்மாக் விற்பனையை அதிகரிக்க, இனிமேல் குவாட்டருடன் கொண்டக்கடலையும் வாட்டர்பாக்கெட்டும், ஆஃபுடன் அவித்தமுட்டையும் அங்குவிலாஸ் சோடாவும் இலவசமாக வழங்கப்படும். இதன் மூலம் 3 கோடி டாஸ்மாக் கண்மணிகள் பயனடைவார்கள்.

5) பேரணி ஆர்ப்பாட்டம் நடத்துபவர்களுக்கு இனிமேல் போக்குவரத்து செலவை அரசே ஏற்றுக்கொள்ளும். அதுமட்டுமின்றி இனிமேல் எனக்கு அதிக பாராட்டு விழா எடுப்பவர்களுக்கு தமிழக அரசின் கலைமாமணி விருதும் வழங்கப்படும்.

6) 10 வகுப்பு முடித்த அனைத்து மாணவச் செல்வங்களுக்கும் அண்ணா பல்கலைக்கழகம் வழங்கும் எஞ்சினியரிங் சர்டிபிகேட் இனிமேல் இலவசமாக வழங்கப்படும்.

7) இளம் காதலர்களுக்கு BSNL மூலம் மாதம் தோறும் 50 ரூபாய் இலவச டாக் டைம் வழங்க ஆவண செய்யப்படும்.

நல்லா இருந்த மின்சாரத்தை வெட்டி வெட்டி விளையாடிய ஆற்காடு வீராசாமியால் தத்தளிக்கும் தமிழக குடும்பங்களுக்கு இலவச தீப்பந்தம் வழங்க ஆவண செய்யப்படும். அது மட்டுமின்றி தற்சமயம் ஆற்காட்டார் எங்கு,எது எரிந்தாலும் அதை உடனே சென்று அணைத்துவிடுகிறார்.அதுவே அவருக்கு பழக்கமாக ஆகிவிட்டதால் அவர் மின்துறையில் இருந்து தீயணைப்புத் துறைக்கு மாற்றப்படுவார் என்ற இனிய செய்தியையும் தெரிவித்துக்கொண்டு,

இந்த இலவசங்களையெல்லாம் நீங்கள் பெறவேண்டுமென்றால் நீங்கள் செய்யவேண்டியதெல்லாம் உதயசூரியன் சின்னத்திலே, ஓட்டுப் போடுங்க மொத்தத்திலே.,

அண்ணா நாமம் வாழ்க, கலைஞர் டிவி வாழ்க.

வணக்கம்.

ரூபாய் 500 மட்டுமே!!

2009-03-27T08:00:00.005Z

லண்டன் - ஹைதராபாத்-மதுரை-சென்னை-ஹைதராபாத்-லண்டன்

2009-02-27T08:29:00.016Z

போன வருஷமே போயிருக்க வேண்டியது சிலபல காரணங்களினால் ஜனவரி 28 கெளம்பி...இதோ 27 பிப்ரவரில வந்து சேர்ந்தாயிற்று!வருடம் ஒரு முறை மதுரைக்குப் போனாலும்; இந்த முறை 15 வருடங்களுக்குப் பிறகு Hyderabad!....ஏகத்துக்கும் மாறியுள்ளது (மதுரையே ஒவ்வொரு வருடமும் புதுசாகத்தான் உள்ளது!)
இந்த விடுமுறை ஒரு வகையில் புது அனுபவம்தான்!!
சந்தித்த, பார்த்த சில நிகழ்வுகள் மகிழ்ச்சியைத் தந்தாலும், பல நிகழ்வுகள் ஊர் இன்னும் மாறவில்லை என்பதைத் தெளிவாக உணர்த்தியது.
1)மதுரை மீனாட்சி கோவிலின் முன் போக்குவரத்து குறைத்து, புதிய சாலை அமைத்துள்ளது...
2)சினிப்ரியா தியேட்டர் முன் உள்ள சாலையின் நடுவே போக்குவரத்தை சீராக்க கட்டப்பட்டுள்ள தடுப்புச் சுவர்..
3)சென்னை கத்திப்பாரா பாலம்,தி.நகர் லலிதா ஜுவல்லரி அருகே உருவாகியுள்ள பாலம், (சென்று 5 வருடங்களுக்கு மேலாகிவிட்டது)...
4)மதுரை மற்றும் சென்னையில் பல சாலைகள் “ஒன்-வே” யாக மாறியுள்ளது.
போன்றவை மகிழ்வைத் தந்தாலும்

1)மதுரை, சென்னை, ஹைதரபாத் நகரங்களில் சாலை விதிகளை இன்னும் மக்கள் மதிக்காமல் இருப்பது (சாலை விதிகள் குறித்து இன்னும் முறையான பயிற்ச்சி இல்லை),
2)சென்னை- மதுரை அனந்தபுரி ரயிலில் முன்பதிவு இல்லாமல் வண்டியில் அமர்ந்து கொண்டு “நான் பா.ம.க வின் மாவட்ட தலைவராக்கும்,தைலாபுரம் தோட்டத்திற்கு “அய்யா”வப் பாக்க போறேனாக்கும் என்று உதாருக்கு பணிந்த TTR,
3)ஜன 30ல் அண்ணல் ஆன அண்ணன்- இவர் (அ) இவரது “தம்பி”களின் அட்டகாசம் தாங்க முடியலை!-58 வயதை முன்னிட்டு 58 கோடி ரூபாய் நலத்திட்ட பணிகள் - எங்கிருந்து வந்தது இவ்வுளவு பணம்!????
4)அரசாங்க ஊழியர்களுக்கு(மதுரை ராசாசி மருத்துவமனை முன்பு) நிலுவைத் தொகை வழங்க “உத்திரவு” இட்ட “தலைவர் கலைஞர்” அவர்களுக்கு நன்றி தெரிவித்து போஸ்டர்
(திமுக தலைவர் எப்போது இவர்களுக்கும் தலைவர் ஆனார்)!
5) ஒரு பேருந்து நிறுத்தம் தொடங்குவதில் கூட கட்சி விளம்பரங்கள்!
6)ஜெ. வின் பிறந்த நாள் விளம்பரம்.

7) முதல் படத்தில் காண்பது போல பல இடங்களில் தொங்கிக் கொண்டிருக்கும் மின்சாரக் கம்பிகள்

போன்ற பல நிகழ்வுகள், சற்றே அச்சத்தை ஏற்படுத்துகின்றன!...
மற்றபடி இந்த முறை 6 வருடங்களுக்குப் பிறகு மதுரையில் தியேட்டருக்குப் போய் “க்யூ”வில் நின்று அடித்து பிடித்து டிக்கெட் வாங்கி படம் பார்த்தது பள்ளி நாட்களை நினைவு கொள்ளச் செய்தது. நான் கடவுள்,வெண்ணிலா கபடி குழு, அப்புறம் அந்த தமிழ் taxi படம் என 3 ஆச்சு!. இதில் taxi செம மொக்க!. ஹிந்தியில் அருமையாக வந்த படம் அது!. ஆனாலும் அதில் வரும் “ஆத்திச்சூடி” பாடல் செம குத்து. அதுக்கப்புறம் படம் பார்க்க முடியல...
அதிர்ச்சியளித்த ஒரு செய்தி: ஹைதராபாத்-லண்டன் விமானத்தில் அருகில் அமர்ந்த நபர் சொன்ன ஒரு விஷயம் (மத்திய அரசில் பணிபுரியும் அவர் சொன்னது : அரசாங்கம் என்னதான் அறிவிப்புகள் வெளியிட்டாலும் ,அரசியல்வாதிகள் மக்கள் படிப்பறிவு பெறுவதை விரும்புவதில்லை!!!

மும்பை மேரி ஜான்

2008-11-26T23:33:00.003Z

மும்பை மேரி ஜான் -- இதன் அர்த்தம் “மும்பை என் உயிர்”

1999 மே மாதம் மும்பை தாஜ் பிரசிடெண்ட் ஹோட்டலில் வேலையில் சேர்ந்தேன். முதலில் சிறிது நாட்களுக்கு மொழி புரியாமல் திண்டாடினாலும் வெகு சீக்கிரம் “ஹிந்தி” பழகிவிட்டது.
ஒவ்வொரு முறையும் இந்தியாவில் தீவிரவாதிகளினாலோ அல்லது இயற்கையின் சீற்றத்தினாலோ சேதம் உண்டாகும் போது வேதனை படும் என் மனம்; மும்பையில் அவ்வாறு ஏற்படும் போது சிறிது அதிகமாகவே வலிக்கும். அதுவும் தற்போது தாஜ் /ஓபராய் ஹோட்டலில் நடந்த தீவிரவாதிகளின் வெறியாட்டம் என்னை அதிகமாகவே பாதித்தது.
தற்போது தாக்குதல் நடந்த “Leopold, Taj hotel, CST" ஏரியாவில் நான் திரிந்த நாட்கள் மிக அதிகம். அதுவும் இரவு 12 மணிக்கு “ஷிஃப்ட்” முடிந்த பிறகு தனியாக அந்த ஏரியாவில் சுற்றித் திரிந்த நாட்கள் இன்னமும் நினைவில் உள்ளது. தாஜ் ஹோட்டலின் அருகில் உள்ள “கீராவாலா”வில் காலை 3 மணி வரை நண்பர்களின் “கச்சேரி” நடக்கும். இரவில் தனியாக வீடு திரும்பும் போது ரோட்டில் திரியும் “நபர்கள்”, மெலிதாக கேட்கும் அலையின் ஓசை,படே மியாவின் கபாப், Leopold ன் ”பிட்சர்” பீர்/ Chocolate brownie vanilla ice cream, coloba causeway road என ஒவ்வொரு விஷயமும் இப்போது நினைவில் அதிகமாக வ்ருகிறது.
3 வருடம் மும்பையில்/ தாஜ் பிரசிடெண்ட் ஹோட்டலில் இருந்த சமயத்தை விட லண்டன் வந்த பிறகு இந்தியாவை “மிஸ்” செய்யும் பலரில் நானும் ஒருவன்.

“ தேசம் முன்னேறிச் செல்ல முயலும் ஒவ்வொரு முறையும்; சிலர் பின்னோக்கி இழுத்தால் என்ன செய்வது”.
குறிப்பிட்ட மதம் மீண்டும் விமரிசனத்திற்கு உண்டாகலாம். ஆனால் இதற்கு முழுமையான தீர்வு????

விசிலடிச்சான் குஞ்சுகள்(???)

2008-11-23T10:39:00.004Z

ஒரு வார்த்தை சொன்னாலே ஊர் மாற சக்தி கொடு

ஈழத் தமிழர் பிரச்சினை:வேண்டாம் பிறந்தநாள் கொண்டாட்டம்-ரஜினிகாந்த்
(ரஜினி ரசிகர்கள் சும்மா விசிலடிச்சு ரகளை செய்ய மட்டும்தான் லாயக்கு எனக் கூறுபவர்களுக்கு)
நலத்திட்ட உதவிகள், ரத்ததானம், ஏழை மாணவர்களுக்கு உதவி என்று வழக்கமாக செய்து வந்தாலும் இது சற்றே வித்தியாசமானது! கவனிக்கப்பட வேண்டியது என்னவென்றால் இது ரசிகர்களால் (மட்டுமே) நடத்தப்படுவது. இதனால் எதுவும் இலங்கையில் மாறப் போவதில்லை; இருப்பினும் ஒரு தார்மீக முறையில் இது ஒரு உத்வேகத்தை அளிக்கும் வாழ்த்துக்கள்
மதுரை மாவட்ட ரஜினி ரசிகர்கள் உண்ணாவிரதம்!
இலங்கையில் தமிழர்கள் காயம்பட்டு துடிக்கும் இந்த தருணத்தில் என்னுடைய பிறந்த நாளைக் கொண்டாட வேண்டாம். எனது இந்த அறிவிப்பு அவர்களது அமைதி முயற்சிக்குத் தூண்டுதலாக இருந்தால் மகிழ்ச்சி அடைவேன்', என நடிகர் ரஜினிகாந்த் விடுத்த செய்தியின் தாக்கம் உலகம் முழுக்க எதிரொலிக்கத் தொடங்கியுள்ளது
இலங்கை தமிழர்களுக்கு ஆதரவு தெரிவித்து சூப்பர் ஸ்டார் பிறந்த நாளான டிசம்பர் 12ந் தேதி உண்ணா விரதம் இருக்க மதுரை மாவட்ட ரசிகர்கள் முடிவு செய்துள்ளனர். அத்துடன் போரால் பாதிக்கப்பட்ட இலங்கைத் தமிழர்களுக்கு உணவு, மருந்து, உடைகள் போன்ற நிவாரண உதவி பொருட்களை சேகரித்து அனுப்பும் நடவடிக்கையிலும் ஈடுபட மதுரை மாவட்ட ரஜினி மன்ற நிர்வாகிகள் முடிவு செய்துள்ளனர்.

இது ஒரு தொடக்கம் மட்டுமே

கெட்ட பையன் சார் இவன்

2008-11-19T16:25:00.003Z

ஆத்திரம், இயலாமை, அவமானம், விரக்தி, வேதனை இது அத்தனையும் ஒரே காட்சியில்!
அதிலும் “ரெண்டு கையும், காலும் போனாக் கூட காளி பொழச்சிக்குவான் சார், கெட்ட பயன் சார் இவன்” என்று கூறிவிட்டு அப்டியே மேலேப் பார்க்கும் அந்த ஒரு காட்சியில் உண்மையிலேயே ஒரு அருமையான நடிகனாக உருவெடுத்திருக்க வேண்டியவரை இழந்து விட்டோமோ எனத் தோன்றுகிறது! இருந்தாலும் ஒரு ருபாயை சுண்டி விடும் “சிவாஜி” யும் கலக்கல்தான்!

இவர் வழி; தனி வழி.......

2008-11-17T00:30:00.006Z

வாரணம் ஆயிரம்.
கவுதம் + சூர்யா என்ற பெயர்களே எதிர்ப்பார்ப்பை எகிற வைத்தது... வீண்போகவில்லை.
நான் சூர்யாவின் ஒவ்வொரு படம் பார்க்கும் போதும்; அவர் ஆரம்ப காலத்தில் நடித்த படங்கள் நினைவுக்கு வரும். ஆடத் தெரியாமல், நடிக்கவும் தெரியாமல் இருந்த காலம். நந்தாவுக்கு பின்னர் அவரின் “ரேஞ்சே” வேறாகிவிட்டது.
விஜய்யும், அஜீத்தும் ஆடும் ஆட்டம் சற்றே அலுக்க ஆரம்பித்து விட்டது. வரவர “ச்வுண்ட்” அதிகமாயிடிச்சி.
ஆனால் முயல்-ஆமை போட்டி போல; சிறிது கூட சத்தமில்லாது, ஜால்ரா இல்லாது சூர்யா ஜெயிக்குறாருபா! மைக்கேல் ஜாக்ஸன் போல ஆடும் அந்தப் பாட்டு கலக்கல்!
அதுவும் இந்தப் படத்தில் மனதை உலுக்கும்/ வருடும் காட்சிகள் அருமை! (அப்பா சூர்யா ரத்த வாந்தி எடுத்த பின் சிம்ரனிடம் நான் மேலே போகும் நேரம் வந்து விட்டது என்பதை சைகையால் குறிப்பிடுவது,சமீரா ரெட்டி "what have u done to me?" என்று சூர்யாவிடம் கேட்டு பின்னர் சூர்யாவைக் காதலிப்பதாக கூறுவது,சூர்யாவின் தங்கை தனது ஒரு மாத சம்பளத்தை வீடு கட்டுவதற்காக தனது "contribution"ஆக கொடுப்பது, போதையில் விழுந்த சூர்யாவிடம் சிம்ரன் ”வெளியே எங்கேயாச்சும் போய்ட்டு வா; ஆனா திரும்பி எங்களிடம் வரனும்” என்பது, தனது வாழ்வில் நடக்கும் ஒவ்வொரு விஷயத்தையும் அப்பாவிடம் சொல்வது என்று அருமை.அதிலும் அப்பா சூர்யா மகனிடம் “உன் பையன் கதை கேட்கிறான்; ஆனால் என்னால முடியலை” என்று கூறும் போது மனம் லேசாக அதிர்கிறது.
அந்தக் காலத்து சூர்யா முதல் டீன் ஏஜ் (ஆர்த்திதான் இப்ப இந்த உதடுக்கு இப்போ மருந்து போடுவா என்று கூறுவது செம நக்கல்), நடுத்தர வயது, வயதான சூர்யா வரை மிகத் தேர்ந்த நடிப்பு.
கவுதம் படத்தில் காதல் காட்சிகள் இயற்க்கையாக இருக்கும், வசனம் இயல்பாக வரும்( காக்க காக்கவில் “ஜோ” சொல்லும் its a girly thing" ஒரு உ.ம்). இதிலும் அப்படியே ஆனாலும் சமீரா ரெட்டியும், திவ்யாவும் “ஜோ” அளவிற்கு மனசுக்கு ஒப்பலை! ஹிஹிஹி.....
முதல் பாதியில் மிகத் தெளிவான நீரோடை போல போகும் படம்; பிற்பாதியில் லேசாக தடுமாறுகிறது; கத்திரி போட்டால் நல்லது (குத்து பாட்டு, கடைசியில் தீவிரவாதிகளுடன் மோதல் தேவையில்லை)
(கவுதம் சிறிது பயந்துட்டாரோ).
இசை- ஹாரிஸ்.கலக்கல் (கவுதம் கூட சண்டையாமே!!)
படம் முடிந்து வந்த பின்பும் சிறு நெருடல்
1) ” சூர்யா படத்தில் தமிழரா (அ) மலையாளியா?
2)மேஜர் சூர்யாவின் வீடு இருப்பது சென்னையிலா / டெல்லியிலா?
3) ஆங்கிலத்தை விடுங்க... ஹிந்தி வசனம் அதிகமே! ( ஹம் ஹிந்தி ஜாந்தா ஹை!)

மனிதம் செத்து விட்டது!!!

2008-11-14T14:53:00.003Z

என்ன சொல்வது; எங்கிருந்து தொடங்குவது என்றும் தெரியவில்லை!...
சென்னை சட்டக் கல்லூரியில் நடந்த கலவரம் மிகுந்த அதிர்ச்சியளித்தது.
இவனுங்கதான் நாளைக்கு சட்டத்தை காக்கப் போகிறவர்கள்!!!!
சாலையில் ஒரு நாய் அடிபட்டுக் கிடந்தால் கூட சிறிதேனும் இரக்கம் காட்டும் மனித நேயம் செத்தே போய் விட்டதா??
இது வெறும் மாணவர் பிரச்சினை மட்டும் அல்ல.... கண்டிப்பாக அரசியலும் உண்டு! மின்வெட்டும், விலவாசி உயர்வும் மறக்கடிக்கப் பட்டுவிடும்.
கமிஷனர், கல்லூரி முதல்வர் சஸ்பெண்ட் என்று வழக்கம் போல “வெளக்கென” சம்பிரதாயம் ஆரம்பித்தாயிற்று. அடிபட்ட மாணவனின் பெற்றோரிடம் “கண்ணீர் பேட்டி”, நடுங்க வைத்த மாணவர் படை”, காவல்துறை அலட்சியம்” என்று கவர் ஸ்டோரி ரெடியாகயிருக்கும்.
3 பேர் மதுரையில் “தினகரன்” அலுவலகத்தில் எரிக்கப் பட்ட போதே “அழகிரி தாண்டவம்” என்று “ரைமிங்”காக எழுதியவர்கள்தானே நாம்!!
முதல்வன் படத்தில் வந்த காட்சி போலத்தான் இருந்தது!
மனசு உண்மையாகவே நடுங்குது.... போற போக்கப் பார்த்தா “நமக்கு நாமே” கொள்ளி வைத்துக் கொள்வோம் போல உள்ளது!.
கூட்டணி பிரச்சினை, மின்வெட்டு.... போன்றவற்றில் இருந்து கவனம் கண்டிப்பாக திசை திருப்ப எடுக்கப்பட்ட ஒரு செயலாகத்தான் எனக்குத் தோன்றுகிறது. விசாரித்தால் கலவரத்தில் ஈடுபட்டவர்களில் “கல்லூரியைச் சேராத ரவுடிகள்” இருப்பார்கள்!
மு.க விலகிவிட்டு ஓய்வெடுக்கலாம்!

வானம் வசமாகும்

2008-09-14T00:06:00.003+01:00

தலைவர் படப் பாடல்கள் தவிர பிறப் படப் பாடல்கள் அனைத்தையும் “ஓட்டி” விடுவது எனது வழக்கம்.ஆனால் சில பாடல்கள் மட்டும் மனதோடு “ஒட்டி” கொண்டு விடும். அதில் ஒன்று இது!

”சின்னக்குயிலின்” குரலும், பரத்வாஜின் இசையோடும் இதை படமாக்கிய விதமும் மிக அருமை. அதிலும் குறிப்பாக “மனிதா உன் மனதைக் கீறி விதை போடு மரமாகும்.....” என்று ஆண்குரல் ஒலிக்கும் போது உடம்பு ஒரு முறை மிக லேசாக அதிர்ந்து அடங்கும்.

1) உளிதாங்கும் கற்கள்தானே மண் மீது சிலையாகும். வலி தாங்கும் உள்ளம்தானே நிலையான சுகம் காணும்

2) ஒரு முடிவிருந்தால்; அதில் தெளிவிருந்தால் அந்த வானம் வசமாகும்.

மிக சத்தியம்!

அட ச்சீ... இதுவும் ஒரு பொழப்பு!

2008-09-10T13:24:00.004+01:00

சும்மாவே இருக்க மாட்டாங்களா??
ஏன்யா சோத்தைத் தானே திங்கறீங்க? இதுவும் ஒரு பொழப்புனு வாழுறீங்களே; வெக்கமா இல்ல?
வாயில “நல்ல நல்ல” வார்த்தையா வருது. இப்ப நல்லா ஏத்திவிடுவீங்க; அப்புறம் கவுப்பீங்க. நாட்ல இருக்குற பிரச்சினையப் பத்தி எழுதுங்கடா.
மொத்தமா விற்பனை காலியோ??

அப்படியா? ஆனால், போராட்டங்களுக்கும் ஆர்ப்பாட்டங்களுக்கும் இன்னொருவர் ஆயத்தமாகிக் கொண்டிருக்கிறார் தெரியுமா சுவாமி?''
``அது யார் பெண்ணே?''
``நம்ப மாட்டீர்கள் சுவாமி. சூப்பர் ஸ்டார் ரஜினிகாந்துதான் அது. கடந்த வாரத்தில் கேரளத்திலிருந்து மலையாள ஜோசியர்கள் மூவர் அழைத்து வரப்பட்டு, சென்னை அருகே கேளம்பாக்கத்திலுள்ள பண்ணை வீட்டில் ரஜினியின் அரசியல் பிரவேசம் பற்றி பிரசன்னம் பார்த்திருக்கிறார்கள். முடிவு பற்றி உடனடியாகத் தெரியாவிட்டாலும் சாதகமான உத்தரவுதான் கிடைத்தது எனத் தகவல். மேலும், மூன்று விதமான கொடிகள் வடிவமைக்கப்பட்டும் விவாதிக்கப்பட்டதாம்.''
``அடிக்கடி இவ்வாறு பேசுகிறார்கள்தானே.''
``ஆனால் , இந்த முறை முடிவாக அறிவித்துவிடுவார் என்கிறார்கள். கடுப்பாகப் பேட்டியளித்த ரஜினி ரசிகர் மன்றத் தலைவர்களை எல்லாம் தொலைபேசியில் அழைத்துப் பேசிய மன்றத்தின் உயர் தலைவரானவர், `வெண்ணெய் திரளும்போது தாழியை உடைத்துவிடாதீர்கள். தலைவர் சரியான மூடில் இருக்கிறார். அமெரிக்காவில் `எந்திரன்' படப்பிடிப்பை முடித்துக்கொண்டு திரும்பியதும் நல்ல செய்தி வரும். பொறுமையாக இருங்கள்' என்று தெரிவித்தாராம்.''
``ம். பத்து, பன்னிரண்டு ஆண்டுகளுக்கு முன்னரே செய்திருக்க வேண்டியது...''
``ஆமாம். அப்போது வேண்டாம் என்று கூறிய அம்மையாரே இப்போது கட்சி தொடங்க வேண்டும் என்பதில் குறியாக இருக்கிறாராம். எல்லாம் `குசேலன்' குழப்படியால் வந்த படிப்பினைதானாம். அரசியல் தலைவராக இருந்தால் நிலைமையே வேறல்லவா? என்று தன் கருத்தைப் பகிர்ந்துகொள்கிறார்களாம்.''
``புலி வருது, புலி வருது என்பார்கள். புலி வந்தே விடும் போல. பார்க்கலாம்'' என்றவாறே சுவாமி எழ, சிஷ்யையும் குன்னக்குடிக்கு இறுதி அஞ்சலி செலுத்தச் செல்வதாகக் கூறிவிட்டுப் புறப்பட்டார்

மொத்தமா 30 வரிகள் கூட இல்லாத ஒரு விஷயத்தை “கவர் ஸ்டோரி” ஆக்கி காசு பார்க்கும் உங்க வேலை “செம டகால்டி” !
சீ... தூ..... உங்களைப் பாத்து காறித் துப்பி எச்சிலக் கூட மதிப்பில்லாம செய்யக் கூடாது!

இதுதாண்டா “தில்லு”

2008-09-08T13:34:00.003+01:00

வீடியோ பத்தியும் சொல்லிக் கொடுத்த “கிரி” க்கு ஒரு “ஓ” (இது அந்த ஆளோட “ஓ” இல்லீங்கோ)

சாப்பிடும் போது இதைப் பார்க்க வேண்டாம்!

2008-09-08T09:23:00.009+01:00

இவ்வுளவு சொல்லியும் சாப்பிடும்போது பாத்து “ஏதாச்சும்” ஆச்சுனா; அப்புறம் பின்விளைவுகளுக்கு நான் பொறுப்பில்லை.இதெல்லாம் “ஒலிம்பிக்” ஸ்பெஷல். நாய் மூளை முதல் குதிரை கறி வரை... தேளூம், பாம்பும் கூட உண்டு! கேட்டு வாங்கி சாப்பிடுங்க்..... (வ்வ்வோஒவ்வ்வ்....க்)

வானத்தில்(??) நிலா...

2008-09-07T09:37:00.008+01:00

உக்காந்து யோசிப்பாய்ங்களோ... இந்த வாக்கியத்தை இதற்கும் உபயோகப்படுத்தலாம். எனக்குத் தெரிந்த மட்டும் முதன் முறையாக யாரோ உருப்படியாக “உட்கார்ந்து யோசித்து உழைத்திருக்கிறார்கள்”

பில்கேட்ஸ் மன்னிப்பாராக...

2008-09-06T17:39:00.003+01:00

பலபேர் மெயிலில் சுத்தியதுதான் இது.... இருந்தாலும் ஒவ்வொரு “தபா”வும் “படிக்கா சொல்ல” “படா சோக்காகீதுபா”

************************************************************************************
பில் கேட்ஸ் சென்னையில் பிறந்திருந்தால் விண்டோசை ஜன்னல் என்றுஅழைத்திருப்பார்கள். அதன் மெனு அட்டவணை இவ்வாறாக அமைந்திருக்கும்.

Save = வெச்சிக்கோ
Save as = அய்ய! அப்டியெ வெச்சிக்கோ
Save All = அல்லாத்தியும் வச்சிக்கோ
Help = ஒதவு
Find = பாரு
Find Again = இன்னொரு தபா பாரு
Move = அப்பால போ
Mail = போஸ்ட்டு
Mailer = போஸ்ட்டு மேன்
Zoom = பெருசா காட்டு
Zoom Out = வெளில வந்து பெருசா காட்டு
Open = தெற நயினா
Close = பொத்திக்கோ
New = புச்சு
Old = பழ்சு
Replace = இத்த தூக்கி அத்ல போடு அத்த தூக்கி இத்ல போடு
Run = ஓடு நய்னா
Execute = கொல்லு
Print = போஸ்டர் போடு
Print Preview = பாத்து போஸ்டர் போடு
Cut = வெட்டு - குத்து
Copy = ஈயடிச்சான் காப்பி
Paste = ஒட்டு
Paste Special = நல்லா எச்ச தொட்டு ஒட்டு
Delete = கீச்சிடு
anti virus = மாமியா கொடுமை
View = லுக்கு உடு
Tools = ஸ்பானரு
Toolbar = ஸ்பானரு செட்டு
Spreadsheet = பெரிசிட்டு
Database = டப்பா
Exit = ஓடுறா டேய்
Compress = அமுக்கி போடு
Mouse = எலி
Click = போட்டு சாத்து
Double click = ரெண்டு தபா போட்டு சாத்து
Scrollbar = இங்க அங்க அலத்தடி
Pay Per View = துட்டுக்கு பயாஸ்கோப்பு
Next = அப்பால
Previous = முன்னாங்கட்டி
Trash bin = கூவம் ஆறு
Solitaire = மங்காத்தா
Drag & hold = நல்லா இஸ்து புடி
Do you want to delete selected item? = மேய்யாலுமே தூக்கிறவா?
Do you want to move selected item? = மெய்யாலுமே கடாசிடவா?
Do you want to save selected item? = மெய்யாலுமே வெச்சிக்கவா?
Abort, Retry, Ignore = இஸ்டம் இல்லாட்டி உட்டுடு
Yes, No, Cancel = இப்போ இன்னா சொல்லுற நீ?
General protection fault = காலி
Access denied = கை வச்ச... கீச்சுடுவேன்!
Unrecoverable error = படா பேஜார்பா
Operation illegal = பேமானி சாவு கராக்கி கஸ்மாலம்
Windows 98 = இதாமெ ஜன்னல் தொன்னித்தி எட்ட

நிகழ்வுகளும் சலனங்களும்

2008-09-06T16:13:00.016+01:00

செய்தித்தாள்களில் வந்த சில செய்திகள் கவனத்தை ஈர்க்கும்; அது போல சில சமயம் நம்மைச் சுற்றி நடக்கும் சில நிகழ்வுகளும் நம்மைச் (என்னை)சிறிதேனும் சலனப்படுத்தும்....... அதிலிருந்து சில இங்கே!

1) ஒரு ரூபாய்க்கு அரிசி- மிகவும் பரபரப்பாகி “வியர்வை”க்கு மாற்றாக இருக்குமென என நினைத்து செய்தது பிரயோஜனப் படவில்லை!

2)மின்வெட்டு - இருக்கு; ஆனா இல்லை என்று நம்ம “வ”னா “வே”னா ஸ்டைல்ல இருந்தது ;அப்டியே “ஆஃஃப்” (ஆப்பு) ஆயிடிச்சி.

3)இங்கே லண்டனில் 24 வயதே ஆன 2 குழந்தைகளின் தாயார் தனக்கு "cervical cancer" இருக்குமோ என்ற சந்தேகத்தில் மருத்துவமனைக்கு போனால் “ஒரு வருடம்” காத்திருக்குமாறு (பரிசோதனைக்கே ஒரு வருடம்) மருத்துவமனயிலிருந்து பதில் வருகிறது. ஈராக் போருக்கும், மற்ற “வெட்டி” விஷயங்களுக்கும் செலவு செய்யும் அரசாங்கம் மருத்துவமனையில் இன்னும் மருத்துவர்களை பணியில் அமர்த்தலாம்.

4)ஷில்பாஷெட்டியை கேவலப்படுத்திய “ஜேட் கூடி” (jade goody) யும் மேற்க்கண்ட “கேன்சரால்” பாதிக்கப் பட்டதை அறிந்த சில இந்தியர்கள் “பாத்தீயா, கடவுள் இருக்கான்” எனக் கூறுவது.

5)அனு ஆயுத ஒப்பந்தம் (எனக்குப் புரியவில்லை) நல்லவரா கெட்டவராவப் போல ஒரே குழப்பம். நல்லது என்றால் “எதற்க்குப் பொய்கள்”? கெட்டது என்றால் “ஏன் ஆரம்பித்தோம்” ? 10/15 வருடங்களுக்குப் பிறகு “கச்சத் தீவைப்” போல ஆவதற்க்கா?

6)ஒரிஸ்ஸாவில் நடக்கும் அக்கிரமத்தை வெளிச்சத்திற்க்கு கொண்டு வந்த மீடியா ; காஷ்மீரில் கொல்லப் படும் சாவுகளை பட்டியலிடாதது ஏன்? பழகி போய் விட்டதாலா??

7) ஒகனேக்கல் என்னாச்சு?? பாவம் தமிழக முதல்வர் ரொம்ப பிசியாக உள்ளார் போலும். கேபிள் யுத்தம், “எல்லைப் பிரிப்பு” (குடும்பத்திற்க்குள் தான்), மகளுடன் ஆடியோ ரிலீஸ் என வேலைப் பளூ அதிகம் போல!!

8) இதை எல்லாம் மறந்து விட்டு மு.கவைப் பாராட்டும் தமிழ் ஏடுகள் (எவரும் கேட்பதில்லை!!!) திட்டினால் “முதல்வர் கவிதையால் விளாசினார்” என்று சிலேடை வேறு!!

9)மக்களும் வழக்கம் போல ரஜினி பிரச்சினை, ஜெ -சசி, ஓசியில் வருபவை, சாதி அரசியல் போன்றவற்றில் “பிசி”

............. இதற்க்கு மாற்றமே இல்லையா???

Shoot on Sight

2008-08-28T23:59:00.003+01:00

குசேலன் / ரஜினியைத் தவிர வேறு எதுவும் தட்டச்ச மாட்டேன் என சபதம் எதுவும் போடவில்லை.

Shoot on Sight. லண்டனில் நடந்த ஒரு சம்பவத்தை அடிப்படையாக கொண்டு எடுக்கப்பட்ட ஒரு புத்திசாலித்தனமான நல்ல ஒரு திரைப்படம்.

இஸ்லாம் மதத்தை சேர்ந்தவர்கள் என்றாலே தீவிரவாதிகளா?? என்ற கருத்தை மையப்படுத்தி எடுத்துள்ளார்கள். படம் தொடக்கம் முதலே பின்னனியில் ஒரு அமைதி நிலவுகிறது (இருவர் திரைப்படம் போல்)

ஒரு முஸ்லீம் மதத்தைச் சேர்ந்த்த அப்பாவி போலீஸாரால் சுட்டுக் கொல்லப்படுகிறார்...... இங்கே தொடங்கும் கதை ஒரு நேர்மையான முஸ்லீம் அதிகாரி தனது சகோதரி மகனை (தற்கொலைப் படையைச் சேர்ந்த்தவன்) சுட்டுக் கொல்வதோடு ; தனது மனசாட்சியின் படி ஒரு வழக்கில் முடிவெடுத்து விட்டு வேலையை ராஜினாமா செய்வதோடு முடிகிறது

நஸ்ருதீன்ஷாவின் நடிப்பு அருமை.உண்மையைச் சொல்ல முடியாமலும், தனது மேல் உயரதிகாரிகள் சந்தேகப்படும் போது மனம் வெம்புவதும், அதன் விளைவாக மனைவியிடம் விரக்தியுடன் அரிச்சல் அடையும் போதும், இங்கிலாந்து ”டீன்” கலாசாரத்தில் மகள் போதை பழக்கத்தில் ஈடுபடும் போது கலங்குவதும் சொல்லிக் கொண்டே போகலாம்.

அவரின் மனைவியாக வரும் “greeta scaachi" நடிப்பும் சோடை போகாத ஒன்று.

படம் முழுவதும் மெதுவாகச் சென்றாலும் கடைசி 30 நிமிடங்கள் விறுவிறுப்பாக உள்ளது. குறிப்பாக அந்த தீவிரவாதியை “laila rouass” தொடரும் காட்சியும், அதைத் தொடர்ந்து அவர் கொல்லப்படும் காட்சியும் பார்க்கும் நமக்கும் ஒரு படபடப்பை உண்டாக்குவது நிஜம்.

போலீஸ் அதிகாரியாக வரும் "ralph ineson" ஒரு நிற வெறியரோ எனச் சந்தேகம் வரும் போது அல்ல தான் ஒரு “reality policeman" என நிருபிக்கிறார்.

"om puri" இவரும் நஸ்ருதீன்ஷாவைப் போல ஒரு மிகச் சிறந்த நடிகர். இவர்கள் இருவரும் செய்த பல படங்களைப் பார்த்தால் இவர்களுக்காகவே இந்த கதாபாத்திரங்கள் உருவாக்கப்படுமோ எனத் தோன்றும்.

சிலரின் தவறினால் ஒரு ஒட்டு மொத்த சமூகமே மன உளைச்சலுக்கு ஆளாகும் அவலத்தை மிக அழகாக, தெளிவாக எடுத்தமைக்காக "jag mundhra" & "aron govil"க்கும் ஒரு சபாஷ்.

சீறுவதில் தவறில்லை....

2008-08-24T00:05:00.005+01:00

உறுமினால்தான் சிங்கம்...

உருண்டால்தான் பூமி...

உதவினால்தான் கடவுள்...

நம்மளை நாமதான் காப்பாத்திக்கனும்....

சாதாரண வார்த்தைகளாக தெரியும் இது; ”பாபா”வில் ரஜினி பேசிய போது உணர்ச்சிகரமாக இருந்தது.

ஒரு மனிதனை இந்தளவுக்கா நோகடிப்பது?

ரஜினியால் சம்பாதித்து பிழைத்த கூட்டம்; இப்போது மீடியா முன்பு வந்து கொக்கரிப்பது சற்றும் முறையாக இல்லை.சரி; குசேலனால் நஷ்டமாகவே இருக்கட்டும்.... ரஜினியிடம் நேரிடையாக சொல்லியிருக்கலாமே!

தனது இமேஜை தக்க வைத்துக் கொள்ளவாவது பிரச்சினையை முடித்திருப்பார். ஆனால் இப்போது நடக்கும் காட்”சீ”களைப் பார்த்தால் ரஜினியின் இமேஜை அடித்து நொறுக்குவதற்க்கான வேலையைப் போல் தெரிகிறது.

ஒரு ரசிகனுக்கு இவ்வாறு தோன்றும் போது “ரஜினி”க்கு இது தோன்றாமல் இருக்குமா?ஆனாலும் இவரின் பொறுமை அசாத்தியமானது. இதே நிலைமையில் வேறு ஒரு நடிகர் இருந்திருந்தால்..... ரசிகர்களை தூண்டிவிட்டு இந்நேரம் பலிகடா ஆக்கியிருப்பார்கள்.

நடிகர் சங்கம் என்று ஒன்று உள்ளதா?

சன் குழுமத்தின் அரசியல் “தாத்தாவின்” அரசியலை விட கேவலமாக இருக்கிறது.இந்த கேவலமான அரசியலில் பல காலமாக இருந்து வரும் மூத்த பத்திரிகைகளூம் பங்கு கொள்வது வேதனை!

இதுவரை தமிழ் மீடியா ரஜினியைப் பற்றி சொன்னவை

1)ரஜினி ம்னநிலை சரியில்லாதவர்

மீண்டு வந்தார்

2)தமிழ் சரியில்லை

மீண்டு வந்தார்

3)பெண்களை ஒடுக்கும் காட்சிகள் அவர் படத்தில் உண்டு

மீண்டு வந்தார்

4)தமிழ்நாட்டில் சம்பாதித்து கர்நாடகாவில் சொத்து சேர்க்கிறார்

(நான் இப்போது இருப்பது லண்டனில்; இங்கே சம்பாதித்த பணத்தில் மதுரையில் சொத்து வாங்க கூடாது என்று இவர்கள் சொன்னால்; நான் என்னத்த செய்ய??)

5)பாபாவிற்க்குப் பின் அவ்வுளவுதான் ரஜினி ஆட்டம் க்ளோஸ்

6)சந்திரமுகி ரஜினி படமே அல்ல

இதை தொடர்ந்து....

இப்போது குசேலன் எபிசோட். வெகு தொலைவில் இல்லை இதன் பின்னனியில் இருப்பவர்களின் முகத்திரை கிழியும் நாள்.

இதுல பிரச்சினை என்னன்னா அவனவன் முதுகுக்கு பின்னால கத்தி சொருவுறானுங்க;நம்மாளு அந்த ஆட்டத்துல ஆர்வமில்லாதவர். அதுக்காக இப்படியே “சும்மா” இருந்தா;எல்லோர் போதைக்கும் நாமதான் ஊறுகாய்.

ஆரம்பத்தில் சொன்னது போல ”உறுமினால்தான் சிங்கம்.... உறும வேண்டாம் ஒரு சீறலாவது வந்தால் எல்லாம் அடங்கும்

ஒரு தடவ ரசிகர்களை “மொத்தமாக” பாருங்க ரஜினி.... அப்புறம் எல்லாமே ஜுஜுபிதான்!

நல்லவனாக இருந்தால் மட்டும் போதாது

2008-08-14T00:48:00.004+01:00

குசேலனில் வரும் ஒரு வசனம்

” நல்லவனாக இருந்தால் மட்டும் போதாது; வல்லவனாகவும் இருக்க வேண்டும்”
யார் எழுதியதோ; எவரை மனதில் வைத்து எழுதியதோ... அது கண்டிப்பாக ரஜினிக்கு பொருந்தும். நல்லவனாக இருப்பதினால்தான் அவரது தலை ஒவ்வொரு முறையும் குறிப் பார்க்கப்படுகிறது. சிறிது “விவரமான” ஆளாயிருந்தால் இந்நேரம்.... செம கேம் காட்டி பிரச்சினையைத் திசை மாற்றியிருப்பார்.
இப்போது வரும் செய்திகள் (குசேலனின் ரிசல்ட்) கண்டிப்பாக (ரஜினியை விட) அவரது ரசிகர்களை வேதனைப்பட வைத்துள்ளது.
பூஜை போட்ட அன்றே; தெளிவாக சொன்னார் “எனது பங்கு 25% மட்டும்தான்”
ஆனால் மீடியாவும், படக்குழுவினரும் செய்த காரியம். அனைவரது எதிர்ப்பார்பையும் எகிற வைத்தது.
கண்டிப்பாக அடக்கி வாசித்திருக்க வேண்டும்.... ஹ்ம்ம்ம்... என்னத்த சொல்ல.
இப்போ அவனவன் “கும்மி” அடிக்கிறான். போதாக்குறைக்கு “ஆய்”த்தனமான காமெடி வேறு. ரஜினிக்கு குழந்தை ரசிகர்களும் உண்டு என்பதை வாசு எப்படி மறந்தார்??
ரஜினியும் தயாரிப்பாளர்களிடம் பட விலையை சிறிது குறைக்க சொல்லியிருக்கலாம். ஏனெனில் கீதையில் சொன்னது போல் “போற்றினாலும் தூற்றினாலும் அது ரஜினிக்கே”. கண்டிப்பாக பணத்தாசையால் ரஜினி இப்படி செய்திருக்க வாய்ப்பில்லை. ஒரு வேளை ”குரு” பக்தி காரணமாக இருக்கலாம்.
நிற்க.... விஷயம் புரியாமல் சேற்றை வாரியிறைக்க நான் தயாராகயில்லை.
நண்பர் ஒருவர் சொன்னது போல “ரஜினியாக இருப்பது எவ்வுளவு கடினமோ; அதை விட கடினம் ரஜினி ரசிகனாயிருப்பது”.
ஆனாலும் இதையும் தாண்டி வருவோம்.
“சாதனை எப்ப வரும்; சோதனையைத் தாண்டினால்தான் சாதனை”.
இது சோதனைக் காலம்.... விரைவில் வரும் சாதிக்கும் நாள்.

நல்லவனுக்கு நல்லவன்

2008-08-10T09:13:00.005+01:00

1) எதிரிகள் இல்லாத வாழ்க்கை இனிப்பு இல்லாத தேன் போல... என்ற வசனம்

2)தன்னிடத்திலே தவறு உள்ளவங்கதான் பிறரைத் தன்னைப் போல் நினைப்பார்கள்.... என்ற பாடல் வரிகள்

3) 15 வருஷம் முன்னாடி தினக்கூலியாக இருந்த நீ இப்போ கோடீஸ்வரன் அது எப்படி என்ற கேள்விக்கு....

ஆமாம் கஷ்ட்டப்பட்டு உழைச்சேன்; உன்னைப் போல கோஷம் போட்டுக்கிட்டு இருக்கலை.... என்ற நெத்தியடி பதில் வசனம்

4)கண்டக்டராக இருந்த்ு தனது உழைப்பால் உயர்ந்து; இன்னிக்கு சூப்பர் ஸ்டாராக உள்ளவர் என்ற வசனம்.

இது போல சில வசனங்களுடன் வந்த படம் ”நல்லவனுக்கு நல்லவன்”.

படம் வெளிவந்த வருடம் 1984. சமீபத்தில் ஒரு இணையதளத்தில் ரஜினி சூப்பர்ஸ்டாரானது பாட்ஷா படத்தின் மூலமாகத்தான் என்ற “உண்மையை” கண்டு பிடித்துள்ளார்கள். சபாஷ்.... மேலே உள்ள வசனங்கள் இன்றும் ரஜினிக்கு பொருந்தும்.

இதுதவிர ரஜினியின் மிகைப்படுத்தாத நடிப்பு; அதிலும் ரவுடிகளிடம் அடி வாங்கி வீட்டிற்கு வரும் போது ராதிகா தவறாக எண்ணி வெறுப்பதாக கூறும் போது “வெறுப்படி.. என்னை வெறுப்ப” என்றபடி தனது ஆற்றாமை, அடி வாங்கிய வலி, அவமானம் என்று பல உணர்ச்சிகளை அந்த ஒரே காட்சியில் வெளிப்படுத்தும் போதாகட்டும் அடுத்த காட்சியிலேயே ரவுடிகளை சொடுக்கி எடுக்கும் போதும் (அந்த சொடுக்கும் சீன் ரஜினியே செய்ததாம்; அப்போதே ரசிகனின் பல்ஸ் தெரிந்து வைத்துள்ளார்) கோவிலில் கார்த்திக் கழுத்தைப் பிடித்து வெளியே தள்ளும் போதும், ”டீ” சரியில்லை காண்ட்ராக்டை கேன்சல் செய்து விடுவேன் என்ற காட்சியிலும், மனைவியிடம் வழியும் காட்சியும்...... ரஜினியின் நடிப்பில் வந்த படங்களில் மிகச் சிறந்த ஒன்றாகும்.

படத்தில் வசனம் ஒரு மிகப் பெரிய பலம்.தாய்க்குலங்கள் ரசித்திருப்பார்கள்.அதுபோல ராஜாவின் அருமையான இசை! கலக்கல். குத்து முதல் ரம்மியமான மெட்டு வரை உண்டு

மகளுடன் காதலைக் குறித்து விவாதிக்கும் காட்சி அண்ணாமலையைப் போல சுவாரசியமானது.

அந்த கடைசி ”சீனில்” 2 ரஜினியாக மாறி வரும் ஷாட் கலக்கலான ஒன்று.

Technology has developed so much... என்றொரு வசனம் ஏதோ ஒரு படத்தில் வரும் (சாரி எந்த படம்னு தெரியலை) அது ரொம்ப சத்தியம்... இல்லாங்காட்டி இது போன்ற படங்களை மீண்டும் நினைத்த பொழுது பார்க்க முடியுமா??

ஒகனேக்கல்லும் மு.கவும்

2008-08-07T08:29:00.004+01:00

இத எழுதலாம்னு 3/4 நாளா ஒரே யோசனை.... ஆனாலும் சில சிந்தனைகள். ஏற்கனவே செம ”சீனாயிடிச்சு”... இதுல மறுபடியுமா?? சரி ஆவறது ஆவட்டும்....

தழிழ் நடிகர்களின் உண்ணாவிரதம் முடிந்த அடுத்த நாளே ஒகனேக்கல் திட்டம் கர்நாடகாவில் தேர்தல் முடியும் வரை ஒத்தி வைக்கப் படும் என்று அறிவித்த மு.கவை எவனு(ரு)ம் எதுவும் சொல்லவில்லை.
தமிழ் குடிதாங்கி, சரத்,டி.ஆர்,சொத்தராஜ் என் பல ஆத்மாக்கள் இந்த லிஸ்டில் உண்டு.
காங்கிரஸ் வெற்றி பெற வேண்டும் என்ற ஒரே நோக்கத்தில் சோனியாவின் விருப்பப்படி மு.க எடுத்த முடிவின் விளைவு ஒகனெக்கல்லுக்கு மஞசத் துணி.
சரி, அவர்தான் ராஜதந்திரி ஆச்சே... சரியான முடிவு தான் எடுத்தார் என்ற செய்தியை வெளீயிட்ட ஊடகங்களே.... அங்கே தேர்தல் முடிந்து 2/3 மாதங்கள் ஆச்சு... இப்பவும் ஏன் திட்டம் ஆரம்பிக்கவில்லை?? வேற என்ன டீலிங் இருக்கு??
இது போன்ற செய்திகள் தமிழ் மீடியாக்கள் கண்களுக்கு தெரிவதில்லை போலும்.... அது மட்டுமா?? இந்த செய்திகள் “இலவச” தொலைக்காட்ச்சியிலும்
இல்லை.

மு.கவிடமிருந்து சவுண்டே இல்ல... அதான் ரஜினிய போட்டு காய்ச்சறாங்களே... நல்லதாப் போச்சு என்றிருப்பார்.
இணையதளத்திலும், பத்திரிகைகளிலும் ரஜினியைக் கும்மியடிக்காத குறை.
அதிலும் நான் மதிக்கும் ஜூ.வியில் வந்த கட்டுரை ரொம்ம்ம்பக் கேவலம்.
தனி மனித தாக்குதல் என்றால் என்னவென்பதைத் தெள்ளத் தெளிவாக காண்பித்துள்ளது.
எதிர்கால அரசியல் சந்ததியினருக்கு ரஜினியால் பாதிப்பு அரசியலில் வரலாம் (அவரு வர மாட்டாருப்பா) எனற பீதியே இது போன்ற ஊடகங்களின் ரஜினி எதிர்ப்புக்கு காரணம் போல உள்ளது.
நாட்டுல எவ்வுளவு பிரச்சினைகள்.... அத விட்டுப்புட்டு “ரஜினி செய்தது சரியா? சர்வே, அவருக்கு பகிரங்க கடிதம் ... என்றெல்லாம் ரொம்பத் தெளிவாத்தான்யா இருக்காய்ங்க.
இதே ஜூ.வி அல்லது நக்கீரன் கலைஞர் “சாரோட” டபுள் கேம்” பத்தி ஒரு பகிரங்க கடிதாசி எழுதுவாங்களா????
நக்கீரன் படிப்பதை வருடங்களுக்கு முன்பு ஒதுக்கியது போல ஜூ.வியையும்
ஒதுக்கும் நேரம் வந்தாச்சிங்கோ....

லேசா சிரிங்க..........

2008-08-06T01:49:00.003+01:00

ஏன் ரஜினிய மட்டும் ???

2008-08-04T00:23:00.007+01:00

இதோ ஒரு வழியாக ”மன்னிப்பு” எபிசோட் முடிந்தது (மெய்யாலுமா??)

எத்தனை பேருப்பா??? கிளம்பி வந்துக்கிட்டே இருக்காய்ங்க... தமிழ்மணத்தில் நிறைய ஹிட்டடிக்கனும்னா.... ரஜினிய திட்டு.இதுல பின்னூட்டம், பின்னூட்டத்துக்கே பின்னூட்டம்னு வேற.... ஷ்ஷ்... யப்பா!

இவ்வுளவு பேசுனவங்க எல்லாம்.... ஒரு விஷயத்த வேணும்டே மறந்துட்டாங்ய... அதான் ரஜினியின் படத்துக்கு இந்த பிரச்சினை வந்த போது “எவன்(ர்) வந்தான்(ர்)?? அது “சுயநலமில்லாத“ நடிகர் சங்கத் தலைவரான சரத்குமாரகட்டும் அல்லது தனது தயாரிப்பாளர் நஷ்டப்பட்ட போதெல்லாம் சம்பளத்தை விட்டு தந்த சத்தியராஜாகட்டும் எவரும் ஒரு வார்த்தை பேசவில்லை.மனுஷன் மாட்டிக்கிட்டான் என்ற சந்தோஷத்தில் மறந்து போயிருக்கலாம்.

இதுல செம காமெடி என்னான்னா சீமான், பாரதிராஜா போன்றவர்கள் சொன்னது கூட மற்றவர்களுக்கு உறைக்கவில்லையே.பாரதிராஜாவும், சீமானும் எந்தவொரு பிரச்சினையிலும் (குறிப்பாக அந்த பிரச்சினையில் தமிழ் சம்மந்தப்பட்டிருந்தால் சீறி எழுவார்கள்)அவர்களிடம் நாக்கைத் தொங்க போட்டுக் கொண்டு மேட்டர் எதிர்ப்பார்த்தவர்களுக்கு “சப்” பென இருந்திருக்கும்

அதிலும் பாரதிராஜா சொன்னது அருமை . மேலும் விபரங்களுக்கு.......

http://thatstamil.oneindia.in/movies/specials/2008/08/03-ameer-seeman-praises-rajini-for-his-stand.html

கன்னடர்களிடம் ரஜினி மன்னிப்புக் கேட்டுவிட்டதாக நினைத்துக்கொண்டு சிலர் அவரைத் தாக்குவது தமிழனை வெட்கித் தலைகுனிய வைத்துள்ளது. இது நமது பண்பல்ல.... நிஜமான நன்றி கெட்டத்தனம், என இயக்குநர்கள் அமீர் மற்றும் சீமான் ஆகியோர் கருத்துத் தெரிவித்துள்ளனர்.ஒகேனக்கல் பிரச்சனையில் தமிழ் திரையுலகம் நடத்திய உண்ணாவிரதத்தில் ரஜினி கன்னடர்களுக்கெதிராக ஆவேசமாகப் பேசினார். இதைத் தொடர்ந்து அவரது குசேலன் திரைப்படத்தை கர்நாடகாவில் திரையிட விடமாட்டோம் என வன்முறையில் இறங்கினர்.வன்முறையைத் தடுக்கவும், படம் எவ்விதக் குழப்பமுமில்லாமல் வெளியாக வேண்டும் என்பதற்காகவும் ரஜினிகாந்த் ஒரு விளக்கக் கடிதம் அனுப்பினார் கன்னட பிலிம்சேம்பருக்கு. ஆனால் இதை ஏற்க மறுத்தனர் கன்னட அமைப்பினர் சிலர்.கன்னட பிலிம்சேம்பர் தலைவர் ஜெயமாலா மற்றும் ரஜினியின் நலம் விரும்பிகள் சிலர் கேட்டுக் கொண்டதால், தொலைக்காட்சியில் தோன்றி, தனது பேச்சுக்கு விளக்கம் தெரிவித்தார் ரஜினி.அதில், ஒட்டு மொத்த கன்னடர்களையும் தான் தாக்கிப் பேசவில்லை என்றும் தமிழர்களுக்கு எதிராக வன்முறையில் இறங்குவோரையும், பொதுச் சொத்துகளுக்குச் சேதம் விளைவிப்போரையும் உதைக்க வேண்டும் என்ற அர்த்தத்தில் பேசியதை தவறாக எடுத்துக் கொண்டார்கள் என்றும் கூறினார்.இந்த நிகழ்வு தனக்கு மிகப்பெரிய பாடம் என்றும், இதனால் யார் மனமாவது புண்பட்டிருந்தால் அதற்காக தனது வருத்தத்தைத் தெரிவித்துக் கொள்வதாகவும், குசேலன் திரைப்படம் எவ்விதப் பிரச்சினையுமின்றி வெளியாக ஒத்துழையுங்கள் என்றும் ரஜினி கேட்டுக் கொண்டார்.இதைத் தொடர்ந்து நடிகர் சங்கத் தலைவர் சரத்குமார், சத்யராஜ், டி.ராஜேந்தர் போன்றோர் கண்டனம் தெரிவித்தனர்.இந்நிலையில் ரஜினிக்கு ஆதரவாக மூத்த இயக்குநர்கள் பாரதிராஜா, பி.வாசு, இளம் இயக்குநர்கள் அமீர், சீமான் ஆகியோர் கருத்துத் தெரிவித்துள்ளனர்.ரஜினி உயர்ந்த மனிதர் -பாரதிராஜாரஜினிக்கும் எனக்கும் கருத்து மாறுபாடுகள் உண்டு. ஆனால் அவர் ஒரு மிகச்சிறந்த மனிதன், மனிதாபிமானத்தில் முதலிடத்தில் நிற்பவர் என்பதில் எந்த மாறுபாடும் கிடையாது.இப்போது அவர் கன்னட மக்களிடம் வருத்தம் தெரிவித்துப் பேசியதை அவருடைய மனிதாபிமானத்தின் வெளிப்பாடாகத்தான் பார்க்கிறேன். சினிமாவின் நன்மைக்காகப் பேசிய ரஜினியைக் குறை கூறுவதோ கண்டித்துப் பேசுவதோ தேவையற்றது. அதற்கான தகுதியும் இங்கு யாருக்கும் கிடையாது.நண்பர் ரஜினிகாந்த் எந்த நிலையிலும் மன்னிப்புக் கேட்கக்கூடியவர் அல்ல. எடுத்த முடிவிலிருந்து பின்வாங்கும் மனிதரும் அல்ல. இதை நான் அவருடன் பழகியதிலிருந்து தெரிந்து கொண்டேன்.வருத்தம் தெரிவிப்பது மனித நேயத்தின் மிக உயர்ந்த பண்பு. நிஜத்திலும் நான் பார்த்த மிக உயரிய மனிதர்களுள் முதலிடத்தில் நிற்பவர் ரஜினி. அடித்த கரங்களுக்கே பூமாலை போடும் அளப்பரிய குணம் அவருக்கு மட்டுமே உண்டு.எத்தனையோ இக்கட்டான சூழ்நிலைகளை வெற்றிகரமாக சந்தித்து வெளியில் வந்த வீரன் இந்த மனிதன். இந்தச் சூழ்நிலையையும் நேர்கொள்ளக்கூடிய சக்தி அவரிடம் உண்டு.இதே ரஜினி உண்ணாவிரதத்தில் பேசிய அடுத்த நாளே அவரது கொடும்பாவிகள் கொளுத்தப்பட்டன. அப்போது மருந்துக்குக் கூட ஆதரித்துப் பேச ஒருவரும் முன்வரவில்லை.சூப்பர்ஸ்டார் என்ற அவரது இமேஜூம், அவரது அதிகபட்ச சம்பளமும்தான் இங்குள்ள சிலருக்குப் பிரச்சினை என்றால் அதற்கு யாரும் ஒன்றும் செய்ய முடியாது. அது 30 வருடங்கள் அவர் கஷ்டப்பட்டதன் விளைவு. மக்கள் கொடுத்தது. புரிந்து கொண்டு பேசுங்கள் என்று கூறியுள்ளார்.சீமான்:இப்ப அவர் என்ன சொல்லிட்டார்னு இவங்கல்லாம் குதிக்கிறாங்க... இந்த விளக்கத்தைக் கூட அவர் சொல்லாம விட்டிருக்கலாம். அதனால அவருக்கொண்ணும் நஷ்டமில்லை. ஆனா, இதனால ஒரு வன்முறை வெடிச்சி தியேட்டர்காரங்களும், அப்பாவி ரசிகர்களும், படத்தை விநியோகம் பண்ணியவர்களும் பாதிக்கக் கூடாது என்ற நல்ல எண்ணத்தில்தானே வருத்தம் தெரிவிச்சார்.வருத்தம் தெரிவிக்கிறதுக்கும், மன்னிப்புக் கேட்பதற்கும் உள்ள வித்தியாசம் தெரியாத அளவுக்கு முட்டாள்களா நாம். ரஜினி ஒரு அரசியல்வாதியல்ல. அவரும் மனிதர்தானே... இங்கே தமிழ்நாட்டில் தமிழர்களோடு வசிக்கிற ஒரு தமிழ் நடிகரை எதற்காக இப்படி அவமானப்படுத்த வேண்டும்.குசேலன் திரைப்படத்துக்கு வந்த பிரச்சனையை தமிழினினத்துக்கே வந்த சோதனையாகத்தான் நான் பார்க்கிறேன். அதை நாமெல்லோரும் முன்வந்து தீர்த்திருக்க வேண்டும். அப்படிச் செய்யாத பட்சத்தில் ரஜினி, தனி மனிதராகவே நின்று அதைத் தீர்த்த விதத்தைப் பாராட்டுகிறேன். அவர் எந்தத் தவறும் செய்யவில்லை.யாரையும் கண்மூடித்தனமாக எதிர்ப்பதற்குப் பெயர் பகுத்தறிவுமல்ல என்றார்.அமீர்:எப்போது சந்தர்ப்பம் கிடைக்கும் என்று பார்த்து, கண்மூடித்தனமாகப் பேசுவதில் நம்மவர்களுக்கு இணையே இல்லை.ரஜினி அதிகம் சம்பளம் வாங்குகிறார், தமிழர்கள் பணமெல்லாம் அவருக்குப் போகிறது என்று புலம்புகிறார்கள் சிலர். ரஜினி அதிகம் சம்பளம் வாங்குகிறார் என்றால், அதைக் கொடுக்கும் அளவுக்கு அவர் மூலம் தமிழர்களாகிய நாம் சம்பாதிக்கிறோம் என்றுதானே அர்த்தம். இந்தக் குற்றச்சாட்டுக்களுக்காகவே சொந்தப்படம் தயாரிப்பதை நிறுத்திவிட்டவர் ரஜினி.அவரைச் சுற்றியுள்ள தமிழர்கள்தானே அவரை வைத்துச் சம்பாதிக்கிறார்கள். ஒரு ரஜினி படம் வருகிறதென்றால் ஒட்டுமொத்த தமிழ் சினிமாவுக்கும் புதுவாழ்வு கிடைக்கிறது. இதை யாராலும் மறுக்க முடியாது.அப்படிப்பட்ட ஒருவர், தன் விநியோகஸ்தர், தயாரிப்பாளர் மற்றும் ரசிகர்களுக்காகப் பேசியதை மன்னிப்புக் கேட்டுவிட்டார் என்று கூறி, அதில் பப்ளிசிட்டி தேடுவது வெட்கக்கேடானது என்று கூறியுள்ளார்.ரஜினி இந்த மண்ணின் மைந்தர் - பி. வாசுநான் பல வருடங்கள் ரஜினியுடன் நெருங்கிப் பழகியவன். தமிழர்களுக்கும், தமிழ்நாட்டுக்கும் ஒரு அவமானமென்றால் முதலில் நின்று குரல் கொடுக்கக் கூடிய மனம் படைத்தவர் ரஜினி. எண்ணத்தால் முழுக்க முழுக்க தமிழராகவே வாழும் அவரைப் பார்த்து எழுப்பப்படும் எந்தக் கத்தல்களும் எடுபடாமலேயே போகும்.நாமெல்லோரும் சேர்ந்து போராடித் தீர்த்திருக்க வேண்டிய ஒரு விஷயத்தை தனிமனிதராகத் தீர்த்து வைத்திருக்கும் அவரைக் குறை சொல்லிக் கஷ்டப்படுத்துபவர்களை நினைத்து வேதனைப்படுகிறேன்.என்னுடைய பணக்காரன் படத்தில் அவருக்கு ஒரு வசனம் வைத்திருப்பேன். 'இனி வாழ்வோ சாவோ, எனக்குப் பிடிச்ச இந்த மண்லதான் அது நடக்கணும். அதனால ரிட்டர்ன் என்கிற பேச்சுக்கே இடமில்லைன்னு'. அது சினிமாவுக்காக வைத்த டயலாக் அல்ல.. ரஜினியின் மனதைப் படித்ததால் வைத்தது, என்றார்.தென்னிந்திய பிலிம்சேம்பர் தலைவர் கேஆர்ஜி, கலைப்புலி தாணு, வினியோகஸ்தர் சங்கத் தலைவர் கலைப்புலி ஜி.சேகரன் உள்ளிட்ட பலரும் ரஜினிக்கு ஆதரவாகக் கருத்து தெரிவித்துள்ளனர்.

குசேலனும் மன்னிப்பும்

2008-07-31T23:07:00.005+01:00

குசேலன் படம் ரீலிஸாகும் போது இது தேவையா? என்று சில பேரும்.
ரஜினியின் முகத்திரை கிழிந்துவிட்டது என்று சிலரும்
ரஜினி தனது லாபத்திற்க்காக கன்னடர்களிடம் மன்னிப்பு கேட்டு விட்டார் என பலரும் கலந்து கட்டி அடித்து வரும் வேளையில்.... குசேலனைப் பார்த்தேன்.
பல வருடங்களுக்கு பிறகு அலட்டல் இல்லாத ரஜினி படம். முக்கியமான விஷயம் பசுபதி கதாநாயகனாக நடித்துள்ள குசேலன் படத்தில் ரஜினியும் நடித்திருக்கும் படம். கண்டிப்பாக பெண்கள் கூட்டம் அலை மோதும். க்ளைமேக்ஸ் காட்சியில் ரஜினியின் நடிப்பு மிக அருமையான மிகைப்படுத்தப்படாத ஒன்று!!
சரி இப்போ மன்னிப்பு மேட்டருக்கு வருவோம்.....

அது ஏங்க ரஜினிய மட்டும் எல்லோரும் நோண்டிக்கிட்டே இருக்கானுவ??
உடனே ரஜினி தமிழ் மக்களை சுரண்டி சாப்பிடறார், ஒரு துளி வியர்பவைக்கு ஒரு பவுன் தங்க காசு என்றெல்லாம் சொல்லி ஏமாத்துறார்னு சொல்ல வேண்டாம். கலைஞரும், அம்மாவும், அய்யாவும் பேசாத பேச்சா (அ) அடிக்காத பல்டியா?
ரொம்ப சின்ன விஷயம்...
அவர் உதைக்கனும்னு சொன்னது தப்பே கிடையாது; தெளிவா சொன்னாரே பொதுமக்களுக்கு தொந்திரவு தருபவர்களைத்தான் உதைக்கனும்.

இப்போ அவர் பெரிசா மன்னிப்பு எதுவும் கேட்கவில்லை

/தவறின் மூலம் பாடம் கற்றுக் கொண்டுவிட்டேன்.... அதுக்கு என்ன அர்த்தம்??? /

அந்த உண்ணாவிரதத்திற்குப் பிறகு வச்சாரு பாரு நம்ம கலைஞர் சார் ஒரு பெரிய ஆப்பு. அது ஒரு பாடம்.

குசேலன் பிரச்சினையின் போதோ, பாபா ரிலீஸ் சமயத்திலோ தமிழ் சினிமா உலகம் எல்லாதையும் மூடிக்கிட்டு இருப்பது. இது ஒரு பாடம்.

இது போன்ற நேரத்தில் தமிழ் பாதுகாவலர்கள் நேரம் பாத்து ஒரு ஆட்டம் ஆடுவார்களே ... அதுவும் ஒரு பாடம்.

இது போன்ற சில்லரைத்தனமான வேலைகளில் நமது கவனம் திசை மாறும்..ஒகனேக்கல் விஷயம் முற்றிலும் மறக்கப்பட்டு விடும். இது நமக்கு ஒரு பாடம்.

ஒருத்தன் பேரோ, புகழோ, பணமோ சம்பாதிச்சா அவனவனுக்கு அங்கங்கே எரியுதோ???

முடிவாக.. ரஜினி மன்னிப்புக் கேட்டதால்(கேட்டாரா?) அவரின் தமிழ் பற்று மீண்டும் கேள்விக்குரியதாகப் போகிறது???... வெங்காயம்.

நாடாரான பாரதி(யார்)

2008-07-26T09:44:00.006+01:00

சிரிக்கனுமா இல்ல அழுவனுமானு புரியலை...

குமுதம் மேட்டரத்தான் சொல்றேன். பாரதியாருக்கு சாதி சான்றிதழ் வாங்கி நம்ம தமிழ்நாட்டுல அதகளம் பண்ணியிருக்காங்க.
திருநெல்வேலிக்கே அல்வா? சாமிக்கே பீரு, ***ருக்கே மஞசத் துண்டு, நம்ம சுகாதாரத்துறைக்கே சிகெரட்டு..... வரிசையில சாதிகள் இல்லைனு சொன்ன பாரதிக்கே சாதி. சும்மா அதுருதில்ல...
குமுதம், இதை வெளியிட்டமைக்கு நன்றி.... ஆனால் இத அப்டியே லோக்கல் போலீஸ்க்கும் போயிருக்கலாமில்ல??? (ஹேய்... சிரிக்காதீங்க).
ஊர் நாட்டுல இருக்குற ஊழல் தெரிஞச சங்கதிதான்..... இருந்தாலும் இவ்வுளவு கேவலமான விஷயம் நெஞசு பொறுக்குதில்லையே இந்த கூறு கெட்டவனுங்களை பற்றி நினைக்கும் பொழுது....
பின்ன என்னங்க... பாரதியார தெரியாட்டி கூட பராவாயில்லை.... நம்ம குஷ்பூவ பத்தி கூட தெரியாம மறவர்னு சாதி சான்றிதழ் கொடுத்திருக்கானுவ.
குஷ்பூவத் தெரியாம என்ன தமிழ்நாடுங்க இது!!!!!

ரஜினி ஒரு தடவை சொல்லுவாரா???

2008-07-25T00:27:00.003+01:00

அதோ பார்ர்ர்..... நம்ம சூப்பர் ஸ்டார் என்று பாடலில் வருவது போல அதோ பார்ர்ர்.... குசேலன் ரிலீஸ் ஜூலை 31ம் தேதி.
தினமலரில் ஒரு செய்தி.. ரசிகர்களுக்கு ரஜினி கட்டுப்பாடு !!
கடைசில பார்த்தா சப்ப மேட்டர்.
ஆனாலும் மன்சுக்குள்ளே ரொம்ப நாளாவே ஒரு அரிப்பு......

கண்டிப்பா தெரியும் இந்த பாலாபிஷேகம் வகையாராவெல்லாம் தலைவருக்கு சம்மதமில்லாத செயல்தான்.
இதையெல்லாம் நிபாட்டுங்கனு சீனியர் மன்றத்து தளபதிகளிடம் சொல்லியிருப்பார்...
ஆனாலும் சில நண்பர்கள் ஆர்வ மிகுதியால்..... சும்மா பாலா ஊத்தி கலக்கறாங்கோ..
ஒவ்வொரு சமயம் எனக்கு தோனும்; ஆனாலும் தலைவர் ரசிகர்களிடம் சிறிது கம்மியாதான் தொடர்பு கொள்கிறார்.

ஒரு தடவை.. ஒரே ஒரு தடவை... இனிமேல் பால் போன்ற பொருட்களை இது போன்ற விஷயங்களுக்கு உபயொகித்தால்; மன்றத்தில் இருந்து நீக்கப் படுவார்கள்... அப்டினு சொன்னார்னா.... எவ்ளோ பெரிய மாற்றமாயிருக்கும்... அது மட்டுமா... உபயோகமாவும் இருக்குமே...

நிற்க.... இது போனற சில கொண்டாட்டங்களினால்.... நல்ல உள்ளம் படைத்த ரஜினி ரசிகர்கள் செய்யும் பல நல்ல காரியங்கள் வெளியே தெரிவதில்லை.

மலரும் ரஜினி நினைவுகள்

2008-07-24T08:34:00.004+01:00

தலைவரைப் பத்தி எழுதாம வேற மேட்டர் போடலாம்னா.... இந்த தட்டச்சு பலகை ஒத்துழைக்க மாட்டேங்குதே....
சரி... இப்போ என்ன மொக்கைய போடறேன்னுப் பார்ப்போம்.
சில பல நினைவலைகள்...
(வருஷம் கொஞசம் முன்னே பின்னே இருக்கலாம்....)
1)தங்க மகன் - மதுரை சுந்தரம் தியேட்டரில் 83/ 84 தீவாளிக்குப் பார்த்தது.... காமெடி என்னன்னா..... அன்னிக்குதான் நமக்கு கண் பரிசோதனை வேற... பாத்தீங்களா சோதனைய.... (நானெல்லாம் அப்பவே கண்ணாடி பார்ட்டியாக்கும்) சாயந்திரம் கண் டெஸ்ட்...... நைட் ஷோ சினிமா. அழுது புரண்டு, மூக்கு சிந்தி ஒரு வழியா டவுசர இழுத்துகிட்டு படத்தை பார்த்தேன்
(அன்னிக்கு போட்ட கண்ணாடி... இன்னிக்கு வரைக்கும் மாறவேயில்லை; இத தலைவர் படையப்பா விழாவில் அவரோட பைஜாமா பத்தி பேஸ்ன ஸ்டைலில் படிங்க)

2) முரட்டுக்காளை - இந்த படம் புதூரில் பார்த்த மாதிரி ஒரு நியாபகம்... புதூர் ப்ஸ்ஸ்டாண்டில் நின்று ரகளை செய்து பார்த்த படம். (அந்த சைக்கிள் கடை இன்னும் இருக்கா? சாம்பியன் என்று பெயர்)

3)கொடி பறக்குது - இது செம காமெடிங்கோ.... சபரி மலைக்கு மாலை போட்டிருந்த நேரம். சினிமா கண்டிப்பா பார்க்க தடை.... ஆனாலும் ரஜினி சாமிக்காக ஜயப்ப சாமியிடம் ஸ்பெஷல் அனுமதி வாங்கிட்டு போய்ப் பார்த்த படம்.... ஜயப்ப சாமி மன்னிக்கவில்லை. தண்டணை படம் பார்க்கும் போதே கிடைச்சுருச்சு. ( தலைவர் படம் மொக்கைனு நாங்க ஒத்துக்கவே மாட்டோம்)

4)அதிசய பிறவி - மதுரை அம்பிகா தியேட்டரில் பார்த்தது.... சரி சரி அடுத்த படதுக்கு போலாம்

5) அண்ணாமலை - இது படம். ஸ்கூல் தோஸ்த் ஷாஜினு ஒருத்தன்.அம்பிகா தியேட்டர் வாசல்ல பராக்கு பாத்துகிட்டு நிக்கிறோம். செம கூட்டம். ப்ளாக்ல டிக்கெட் கன்னா பின்னானு ஓடுது. ஒரு புண்ணியவான் கம்மி ரேட்ல டிக்கெட் கொடுத்தாரு. அவரை வாழ்த்திவிட்டு உள்ளே ஓட்டமா ஓடுறோம்..... இருட்டுல திட்டு வாங்கி சீட்ல உக்காந்தா.... தலைவர் பத்திரத்துல ரொம்ப வேகமா கைநாட்டு வைச்சுகிட்டு இருந்தாருப்பா... இடைவேளை. செம காண்டாயிடிச்சு.
அப்புறம் படத்த ஒரு 20 த்டவை பாத்தாச்சுங்க. இது வரலற்றுக் குறிப்பு.

6) நாட்டுக்கொரு நல்லவன்- அதே அம்பிகா தியேட்டர். அதே எஃபெக்ட் ... அதாவது அடுத்த படம். எஸ்கேப்.

7)பாட்ஷா- கொடைக்கானலில் வேலைப் பர்த்த சமயம். லீவில் அதே அம்பிகா தியேட்டர். படம் பார்த்த ஒவ்வொரு நொடியும் தலைவர் ரசிகனால் மறக்க முடியாது. இன்றும் ரஜினி ரசிகனால் மீண்டும் மீண்டும் பார்க்கப்படும் ஒரு ரோலர் கோஸ்டர் அனுபவம்.

8)முத்து - முதல் நாள் (தீவாளி ??) அன்று டிக்கெட் கிடைக்காமல், குருதிப்புனல் பார்த்து விட்டு; அடுத்த நாள் சென்று சுகப்ரியா/ மினிப்ப்ரியாவில் பார்த்த படம். செம ஜாலி ராக்கெட் ( குறிப்பாக மீனாவுடன் மேடையில் வரும் காட்சியும் & வண்டியில் வரும் நான் பாட்டுக்கு என் வேலைய பாத்துகிட்டு இருக்கேன்;ஏன் என்னை வம்புக்கு இழுக்குறீங்க... சும்மா ஜெ. ஜெ னு இருக்கும்... இது எப்படியிருக்கு?

9)அருணாச்சலம் - பெங்களுரில் லாவண்யாவில் பார்த்தது... முதல் ஷோ; பின்னர் மீண்டும் லாவண்யாவில் ஒரு 5 முறை; பின்னர் மதுரை ஷா தியேட்டரில் 7வது முறை.

10) படையப்பா - பெங்களுர் நாகா தியேட்டரில் ரூ. 90 கொடுத்துப் பார்த்த படம். செம ரகளை.

11) பாபா - மும்பயில் வீடியோவில் பார்த்தது.... சிரிக்க வேண்டாம்.... எனக்கு படம் பிடித்து இருந்தது. என்ன ..... ஒரு சாமி இன்னொரு சாமியிடம் போய் சக்தி கொடுனு கேட்டதுதான் பொறுக்கலைங்க...

12) சந்திரமுகி- லண்டன் ஹிமாலயாஸ். 15 பவுண்ட் டிக்கெட். இந்த சமயத்தில் ரஜினி ஃபேன்ஸ்.காம் அறிமுகம்.

13)சிவாஜி- சத்தியமா.. காய்ச்சல் வராத குறைதான். ரிலீஸ் ஆன அன்றே 2 ஷோ பார்த்த படம்.பின்னர் அடுத்த நாள் 3வது ஷோ. இதுவும் லண்டனில்தான்.
மறக்க முடியாத கூட்டம்.

அப்போதுதான் ஒன்று புரிந்தது.... ரஜினியை நேசிக்கும் ரசிகர்கள் கூட்டம் ஒரு பக்கம்; ரஜினியை விமர்சனம் என்ற பெயரில் வெறுக்கும் ஒரு கூட்டம் மறுபக்கம்.....இதுதான் தமிழ் சினிமா. ஆனால் ரஜினியை ஒதுக்கிவிட்டு எதுவும் கிடையாது. பின்னே என்னங்க தசாவதாரத்தை விமரிசனம் செய்ங்கப்பா..... அதுல எதுக்கு சிவாஜிய நோண்டனும்???

இளையராஜாவின் ஜாலம்

2008-07-24T00:21:00.004+01:00

திரை உலகின் ராஜாதி ராஜாவைப் பற்றி நினைக்கும் போது ஏற்ப்படும் உற்சாகத்தை இந்த பண்ணைபுரத்து ராசய்யாவின் பாடல்களை கேட்கும் போதும் உணரலாம்.
எனக்கு சங்கீதம் பற்றி எதுவும் தெரியாது...... ஆனால் தமிழ் சினிமா பாட்டுக்கள் என்றால் சும்மா அதிரும்ல்ல.
ரஜினியின் படத்துக்கே இசை அமைக்க மறுத்த இந்த பிறவித் திமிர்க் கலைஞனின் இசையில் மயங்காதவர் யார்?

ஓரம்போ ஓரம்போ, செவ்வந்தி பூ பறிச்ச பாடல் காலமாகட்டும் வீட்டுக்கு வீடு சம்திங், ரம்பாம்பம் ஆரம்பமாகட்டும் இல்லை வீட்டுக்கு வீடு வாசப்படியாகட்டும்.... பாடல்களை கேட்கும் போது ஏற்ப்படும் அந்த உற்சாகம் வார்த்தைகளில் சொல்ல முடியாது

சோகப் பாடல்/ தத்துவப் பாட்டு ஏரியால நம்ம ராஜாவை அடிச்சுக்க ஆளே இல்ல.

சில இரவுகளில், தூக்கமின்றி உலாத்தும் பொழுது காற்றில் மென்மையாக வரும் தென்பாண்டிச் சீமையிலேவாகட்டும், பூவே செம் பூவேவாகட்டும், ஆகாய வெண்ணிலாவேயாகட்டும் என்னுள்ளே என்னுள்ளேவாகட்டும், நான் தேடும் செவ்வந்திப் பூவிதாகட்டும் மனச அப்டி லேசா டச் பண்ணிட்டு கண்ணில் கண்ணீரை வார்க்கிறதே.... அந்த டச்.... இளையராஜாவினால் மட்டுமே சாத்தியம்.

தமிழ் மீடியாவும் ரஜினியும்

2008-07-23T11:10:00.004+01:00

சிறிது யோசித்த பின்னரே இதை எழுதும் முடிவுக்கு வந்தேன்..... இன்னும் சிறிது காலத்திற்க்காவது தமிழ் மீடியாக்கள் ரஜினி குறித்து அவதூறாக எழுதாது (அதாவது குசேலன் ரீலீஸ் வரை.... அதாவது தோராயமாக 10 நாட்கள்)
அதுவரைக்கும் சர்குலேஷன் படுத்து விடுமே..... என்ன செய்யலாம்... கூப்பிடுஙப்பா ஆஆஆஆசிரிசிரிசிரியர் குழுவை... ஸ்டார்ட் மியுசிக் (கவுண்டர் ஸ்டைலில் படிக்கவும்)
1) ரஜினி வள்ளுவராக நடிக்கிறார் என்று கவர் ஸ்டோரி போடலாம் சார்.
..... அதான் ஏற்கனவே போட்டாச்சே
.........அப்போ ராமகோபாலனை கூப்பிட்டு ரஜினி வள்ளூவராக நடித்தால் போ(ர்) ஆட்டம்னு பேட்டி வாங்கலாம்..
......அதையும்.... போட்டாச்சே..
2) அப்போ ரஜினியோட பழைய பேட்டி.... ஃப்லாஷ் பேக்?
....கல்யாண ஃபோட்டோவோட கவர் ஸ்டோரி இப்பதான்யா போட்டோம்.
காஃபி ப்ரேக்.... சமோசா, கேசரியோட முடிய... மீண்டும் சபை களை கட்டுகிறது.

3)ரஜினியோட எளீமை பத்தி மேட்டர் போடலாம்....
அதுவும் போட்டாச்சே.... இமயமலை ட்ரிப் வரைக்கும் போட்டாச்சு.
4) சூப்ப்ப்ப்ப்ப்பர் ஐடியா..... குசேலனில் பசுபதி, வடிவேலு & கோ... மன வருத்தம்; விளம்பரங்களில் முக்கியத்துவம் இல்லைன்னு... பரபர கவர் ஸ்டோரி போட்டு கலெக்‌ஷன் ஏத்தலாம்.
.......அடப் போய்யா.... அதான் அந்த ஆளே எல்லோருக்கும் ஃபோன் போட்டு, அதுவே வேற பத்திரிகைல வந்தாச்சு.

லஞ்ச் ப்ரேக்........

5)சரி... தங்கர்பச்சன் & கோ கிட்ட ஏதாவது மேட்டர் கேக்கலாம்... காமெடியாவும் இருக்ககும்.
.......கரெக்ட்தான்; ஆனா சனங்க அந்த குரூப் போஸ்ட்டர் பாத்தாலே தெறிச்சு ஓடறாங்க

6)ரஜினியோட தழிழ் உணர்வு பத்தி இனி எழுத முடியாது; உதைக்கனும்னு சொல்லி அதுக்கும் வச்சாரு ஆப்பு.

7)சொளந்தர்யா, சுல்தான் பத்தி...?
....அதான் ஹிந்துலேந்து.. சந்து வரைக்கும் பேசிட்டு இருக்காங்களே..

(நடுவில் ஒருவர்... சார் சாயங்காலம் காஃபி இன்னும் வரலை....)

8) சரி ஒரே வழி... குசேலன் வரவரைக்கும் வெயிட் பண்ணுவோம்.... அப்புறம்.... கலெக்‌ஷன் சரியில்லனு சிவாஜிக்கு எழுதியது போல மேட்டர் போடலாம்.... அது ரோபோட் வரைக்கும் தாங்கும்

என்றபடி ஆஆஆசிரிசிரிசிரியர் குழு கூட்டம் முடிகிறது...

என்ன எழுதுவது...

2008-07-22T13:09:00.004+01:00

பிளாக் எழுத ஆரம்பித்தாயிற்றூ..... என்னத்த எழுதறதுனு ஒன்னுமே புரியலைபா... சரி எல்லோரும் சொல்வது போல பிள்ளையாரை கும்பிட்டு விட்டு .....என்றூ நினைக்கும் போது.... வழக்கம் போல தலைவர் நினைப்பு.
நல்லது/ கெட்டது எதுவானாலும் ரஜினி நினைப்பில்லாமல் செய்ய முடியவில்லை.
ரஜினியின் படங்களூக்கு மட்டும் ரசிகனாயிருந்த நான்..... ரஜினி என்ற மனிதனுக்கும் ரசிகனானது 1997 மே மாதம் 12ஆம் தேதி.
பெங்களூரில் வேலை பார்த்த சமயம்; ஒரு இரவு ஹோட்டலில் ஒரு பரபரப்பு; நண்பன் ஒருவன் ;டேய்... உன் ஆளூ ரெஸ்ட்டாரெண்ட்ல என்றான்..... ஃபிகர் இல்லைங்கோ.... சாட்சாட் ரஜினியேதான்.
எப்படியாவது போய் ஒரு முறை போய்ப் பார்த்துவிட வேண்டும் என்றூ கங்கணம் கட்டியாயிற்றூ.
தலைவர் சாப்பிட்ட பின்னர்..... அருகே சென்றேன்.... கிட்டப் போய்ய்ய்ய்.......ரொம்ப கிட்ட்ட்ட்ட்ட்ட போய் நின்ற போது; கால்கள் தரையில் இல்லை (ரஜினி ரசிகனால் மட்டும் தான் இதை உணர முடியும்)
இனிதான் டமாஸ் இருக்கு

நான் : ஹ்ஹ்ஹ்.... ஹலோ சார்.
ரஜினி : ஹலோ (புன் சிரிப்பு)
நான்: ஈஈஈஈஈஈஈஈஈஈ.. ( வெறூம் இளிப்பு)
ரஜினி : யெஸ்?
நான் : மீண்டும் அதே ஈஈஈஈஈஈஈஈஈஈஈ
ரஜினி : (மனதிற்குள்) சரிதான்...
நான் : அடுத்த படம் என்ன சார்?
ரஜினி : (தாடியைத் தடவியபடி) இன்னும் முடிவாகலைப்பா...
நான் : (மீண்டும்) அதே ஈஈஈஈஈஈ
நான் : மியூசிக் இளையராஜாவா சார்??
ரஜினி : இன்னும் படத்த பத்தி எதுவும் யோசிக்கலைப்பா (சிரிப்பு)
நான்: .......... (மனதிற்குள்) ஏதாவது சீக்கிரம் பேசு....
நான் : சார் அருணாச்சலம் பார்த்தேன் சார்... படம் நல்லா இருந்தாலும்; பாட்ஷா மாதிரி இல்ல சார் ......அடுத்த படம் பாட்ஷா போல இருக்கனும்
என்றூ சொல்லி முடித்த அந்த நொடியில் மனசாட்ச்சி டேய்ய்ய்ய் பாவி... ஏழு தடவ பாத்தீயேடா.... இதுல அருணாச்சலம் ஏழு எழுத்து; அதனால் ஏழு தடவ பாத்தேன் என்றூ அலப்பரை வேற.... இப்போ படம் சரியில்லைனு... அதுவும் ரஜினி கிட்டேயே சொல்ற..
இவ்வாறூ பதறீயவாறே... ரஜினியைப் பார்க்கிறேன்.....

ரஜினியிடமிருந்து ஒரு புன்னகை ; மென்மையாக தலையை ஆட்டியபடி...
கண்டிப்பா செய்யலாம். அவ்வுளவுதான்
அதற்க்கு மேல் நின்றால்; மேலும் ஏதாவது ஊறீக் கொட்டுவேன் என்பதால்... ஜூட்.ஆச்சர்யப்பட வைத்த விஷயம் என்னவென்றால்; சிறிது கூட முகம் சுளீக்காது, கோபப்படாது..... ஒரு ரசிகனின் கருத்தை கவனமாக கேட்டு புன்னகைத்த அந்த மனிதன்... சராசரி நடிகன் அல்ல.
ரஜினியின் எளிமையைப் பற்றீ ஒவ்வொரு முறை படிக்கும் போது இந்த நிகழ்ச்சி மனதில் வந்து போகும்.

WANTED

2008-07-21T00:50:00.001+01:00

பஸ் பாஸ், ரயில் பாஸ் போல சினிமா பாஸ் உள்ள காரணத்தினால் WANTED படம் பார்த்தேன். 3வது வாரம் தியேட்டரில் படம் ஓடுகிறதே....நன்றாக இருக்கும் என்ற என் நினைப்பில் மண். தலைவர் படத்தை விமரிசிப்பவர்கள்... ஒரு முறை பார்த்து விட்டு வந்தால் இனி ஜென்மத்திற்க்கும் வாயையும் மூடிக் கொண்டு இருப்பார்கள்.
துப்பாக்கி உள்ள காரணத்தினால்..... அவனவன் சுட்டுக் கொண்டேயிருக்கிறான் (ள்). அதுவும் தோட்டா வளைந்து நெளீந்து போகிறது.
ஹீரோவின் அப்பா யாரென்ற விஷயம் நமது கே.பி சாரின் அபூர்வராகங்கள் விடுகதை போல உள்ளது.
இது போன்ற படங்கள் பார்த்த பாவத்தை தலைவரின் குசேலன் பார்த்து போக்கிக் கொள்ளவேண்டும்.
நமக்கு லோக்கல் மசாலாதான் சரி.

வந்துவிட்டேன்......

2008-07-19T11:04:00.004+01:00

வணக்கம்,
வீண் பேச்சு (ஆ)ரம்பம்.
பொழுது போகாத வேளையில்.... இருக்கும் நாலு முடியும் உதிர்ந்து போகும் வேளையில் யோசித்த போது வந்த சிந்தனைதான்.. ஏதாவது கிறுக்காலம்... படிக்க கண்டிப்பாக நம்மைப் போல் ஒரு நாலு ஜீவன்கள் என்ற நம்பிக்கையில் தொடங்குகிறேன்.....
ரஜினி ராம்கி சொன்னது : விஜய் நிறைய எழுதுங்க.முயற்ச்சிக்கிறேன், ராம்கி.

ஆசீர்வாதங்களூம், சாபங்களூம்.... வரவேற்க்கப்படும்...